Mingəçevirdə keçirilən avarçəkmə üzrə "Prezident Kuboku"nda kayak və kanoeçilərin mübarizəsində yalnız Azərbaycanın kişi və qadın idmançıları mübarizə aparıblar. Siasport.az saytı xəbər verir ki, kişilər 1 nəfərlik və 2 nəfərlik, qadınlar isə 1 nəfərlik qayıqlarla 1000 metr, 500 metr və 200 metr məsafələrə yürüşlərə qatılıblar.
Qadın kayakçıların mübarizəsində Natalya Fikilisova 1 nəfərlik
qayıqla hər 3 məsafəni birinci pillədə tamamlayıb. Kişi kayakçıların yarışında
Mirnazim Cavadov 500 metr və 200 metr, Rüfət Vəlizadə isə 1000 metr məsafəyə
yürüşdə hamıdan birinci olub. 2 nəfərlik qayıqla hər 3 məsafəyə yürüşlərdə isə
Yasin Əhmədov-Amil Hüseynli dueti qızıl medal qazanıb.
Kanoeçilərin mübarizəsi isə daha gərgin şəraitdə keçib. 1000 metr məsafəyə
2 nəfərlik qayıqla yürüşdə Avropa çempionları Sergey Bezuqlıy və Maksim
Prokopenkodan ibarət duet fərqlənib. 1 nəfərlik qayıqla 500 metr məsafəyə
yürüşdə Andrey Kraytor, 200 metr məsafəyə yürüşdə isə Avropa və dünya çempionu
Valentin Demyanenko birinci olub.
Bütün xəbərlər Facebook səhifəmizdə
USD
EUR
GBP
RUB