...“Titanik”in ölümündən dörd il sonra dünyaya gələn britaniyalı Ketrin Hedcz 110 yaşını Hempşirdəki qocalar evində qeyd edib.
SİA xəbər verir ki, bu barədə "Daily Mail" qəzeti məlumat yayıb.
Rəsmi olaraq super uzunömürlü statusu alan bir qadın iddia edir ki, uzunömürlülüyünün sirri yüksək keyfiyyətli ev yeməklərində, təmiz havada müntəzəm gəzintilərdə və sevimli qəzetlərini gündəlik oxumaqdadır.
Ketrin etiraf edib ki, 1944-cü ildə doğma İrlandiyadan İngiltərəyə köçdükdən bəri demək olar ki, hər gün mətbuatı oxuyur.
Onun sözlərinə görə, bu, dünya hadisələrindən xəbərdar olmağa kömək etməklə yanaşı, beyin fəaliyyətini də dəstəkləyir.
İdman səhifələri ad günü qızı üçün xüsusilə maraqlıdır, çünki o, illərdir at yarışlarını sevir.
Əlamətdar tarixin qeyd edilməsi şəhər meri və peşəkar müğənninin qatıldığı bağ məclisi formatında baş tutub.
Ketrin artıq dördüncü təbrik kartını Kral III Çarlzdan alıb.
16 ay əvvəl pansionata köçməzdən əvvəl qadın mühasib və yerli özünüidarəetmə orqanlarının işçisi kimi çalışıb. Ketrininin əri Lesli Uilyam Hecces 16 il əvvəl vəfat edib, cütlüyün övladı olmayıb.
Boston Universitetindən doktor Tom Perls qeyd edir ki, dünyada 110 yaş həddini keçən cəmi 300 nəfər var.
O, belə bir yaşa çatmağın qocalmanı yavaşladan təxminən 200 genin unikal birləşməsi ilə yanaşı, xanım Heccesin nümayiş etdirdiyi sağlam həyat tərzi ilə də əlaqəli olduğunu vurğulayır.
...Hörmətli yaşına baxmayaraq, Ketrin aydın düşüncə tərzini qoruyur və ippodromda işçilərə mərc oyunları ilə bağlı məsləhətlər verməyə davam edir.
Nazlı Almuradova
Bütün xəbərlər Facebook səhifəmizdə
USD
EUR
GBP
RUB