Cənub-Şərqi Anadolu bölgəsindəki Şanlıurfanın tarixi ilə yanaşı əfsanələri ilə də məşhur olduğunu bilirsinizmi? SİA bu barədə Türkiyə saytlarına istinad edir.
Hekayəsi, mənzərəsi, təmiz havası və memarlığı ilə ovsunlayan atmosferə malik olan Şanlıurfa tarixi ilə yanaşı əfsanələri ilə də məşhur bir şəhərdir. Şanlıurfanın turizm mərkəzlərindən biri olan Balıqlıgölün uzunluğu 150, eni 30, dərinliyi isə təxminən 5 metrdir. İki böyük hovuzdan ibarət olan Balıqlıgöl əslində çaya bağlıdır və şəhərin içindən keçir. VI əsrə qədər buradakı dərələrdən yığılan su bu göldə toplanırdı. Həmin dövrdə baş verən selər nəticəsində çox sayda insanın həyatını itirdiyi bildirilir. Bizans imperatoru vəziyyətə çarə tapmaq üçün bölgəyə İstanbuldan çox sayda mühəndis göndərir. İmperatorun göstərişi ilə mümkün daşqınlara qarşı divar hörülür və suyun yığılmaması üçün başqa kanal qazılaraq problem aradan qaldırılır.
Balıqlıgöldəki balıqlar müqəddəs hesab edilir. Rəvayətə görə, burada ovlanan balıqları yeyənlər xəstəliyə tutulur. Göldә bığlı sazan balığının bir növünün olduğu bildirilir. Bu sazan növünün kürüsü insan sağlamlığı üçün tәhlükә yarada bilәr.
Rəvayətə görə, üç səmavi dinin əcdadı olan İbrahim peyğambər burada oda atılır. Həmin an od gölə, odunlar isə balığa çevrilir. Balıqlıgölün yerləşdiyi ərazidə İbrahim peyğambərin doğulduğu mağara da yerləşir. Bu səbəbdən də bölgəni hər il çox sayda yerli və xarici turist ziyarət edir.
Bütün xəbərlər Facebook səhifəmizdə
-t.jpg)
USD
EUR
GBP
RUB