Tərləmə bədənin istilik, su və duz balansını qoruyan fizioloji bir vəziyyətdir. Lakin ictimaiyyətdə həddindən artıq tərləmə olaraq bilinən “Hiperhidroz” bir növ xəstəlik hesab edilir. Bu xəstəlikdən müasir tibbi üsullarla olduğu kimi evdə tətbiqi asan bitki mənşəli üsullardan istifadə edərək də xilas olmaq mümkündür. Tətbiqi məsləhət görülən bitki mənşəli üsullardan bəziləri belədir:
• Alma sirkəsi
Alma sirkəsini təmiz pambıq yardımı ilə tərləmə problemi olan bölgələrə çəkin və qurumasını gözləyin. Daha sonra sirkə qoxusunu aradan qaldırmaq üçün duş qəbul edin.
• Adaçayı
Adaçayı, “Hiperhidroz” və ya həddindən artıq tərləmə problemini aradan qaldırmaq üçün ən təsirli təbii üsullar arasında iştirak edir və istifadəsi tövsiyə olunur.
Həddindən artıq tərləmənin qarşısını almaq məqsədi ilə adaçayından iki fərqli variantda istifadə etmək mümkündür. Birincisi adaçayı, çay kimi istehlak edilir. İkinci variant isə tonik olaraq bədənə çəkilir. Yəni adaçayı dəmləndikdən sonra soyuması üçün 15-20 dəqiqə gözlənir və daha sonra pambıq yardımı ilə tərləyən nahiyələrə çəkilir. Bu gündə 2-3 dəfə tətbiq edilir.
• Yemişan çayı
Yemişan çayının “Hiperhidroz”-u aradan qaldırdığı təcrübə edilib. Bu səbəbdən həddindən artıq tərləmə problemindən xilas olmaq üçün bir miqdar yemişanı suda qaynadıb süzdükdən sonra gündə bir stəkan istehlak etmək məsləhətdir.
• Limon və duz
3 xörək qaşığı limon suyuna bir xörək qaşığı duz əlavə edərək qarışdırın. Hazırladığınız məhlulu həddindən artıq tərləmə hiss etdiyiniz nahiyəyə çəkin və 5-6 dəqiqə gözlədikdən sonra yuyun. Bunu gündə bir dəfə olmaqla iki həftə tətbiq edin.
• Qabartma tozu
Yarım stəkan suya 1 çay qaşığı qabartma tozu əlavə etdikdən sonra qarışdırın və tərləmə problemi olan nahiyələrə çəkin. 15 dəqiqə gözlədikdən sonra ilıq su ilə yuyun. Bunu həftədə 2 dəfə tətbiq edin.
• Yunan lavandası
Yunan lavandası transpirasiyanı tənzimləyən bitkilərdən biridir. Bir çimdik Yunan lavandasını bir stəkan suda 5 dəqiqə qaynadın və soyuduqdan sonra için.
• Kokos yağı
Kokos yağı pis qoxuları aradan qaldırmaqda təsirlidir. İlıq duşdan sonra həddindən artıq tərləmə problemi olan nahiyələrə kokos yağı çəkə bilərsiniz.
Lakin allergiyası olanlara kokos yağından istifadə etməzdən əvvəl həkim ilə məsləhətləşmələri tövsiyə olunur.
Yaşıl çay “Hiperhidrozdan” xilas olmaq üçün çay və tonik olmaqla iki fərqli variantda istifadə edilə bilər.
Yaşıl çaydan qoltuqaltı, əl və ayaq kimi həddindən artıq tərləmə olan bölgələr üçün təmizləyici su kimi də istifadə etmək olar.
• Qara çay
Qara çay da yaşıl çay kimi həm içilir həm də tonik olaraq tərləmə problemi olan nahiyələrə çəkilir.
• Çörək sodası və əzvay
2 çay qaşığı çörək sodası 2 xörək qaşığı əzvay gelini qarışdırın və hazırladığınız məhlulu həddindən artıq tərləmə problemi olan nahiyəyə çəkin. Bunu nəticə əldə edənə dək hər gün tətbiq edin.
• İlıq adaçayı çayı, təzə və ya qurudulmuş nanə, sarıkök istehlakı isə bədəndəki həddindən artıq ifrazatı azaldır.
Bütün xəbərlər Facebook səhifəmizdə
USD
EUR
GBP
RUB
