İspaniyada tennis topu böyüklüyündə dolu yağması nəticəsində 1 yaşlı körpə ölüb, 29 nəfər yaralanıb.
SİA-nın əldə etdiyi məlumata görə, Kataloniyanın muxtar vilayətinin Girona şəhərinə diametri təxminən 10 santimetr olan dolu yağıb.
La Bisbal d'Emporda qəsəbəsində dünən yağan dolu zamanı böyük bir buz parçasına çırpılan körpə kəllə-beyin travması ilə xəstəxanaya aparılıb.
Kiçik qızın bütün müdaxilələrə baxmayaraq həyatını itirdiyi bildirilib.
Gündəlik həyatı iflic edən dolu zamanı 29 nəfərin yaralanaraq xəstəxanaya aparıldığı öyrənilib.
Fırtına nəticəsində bir çox avtomobilə ziyan dəyib.
Kataloniya meteoroloji mütəxəssisləri son 20 ildə bölgədə ən böyük dolu yağışının baş verdiyini bildiriblər.
Xatırladaq ki, tarixdə məlum olan ən ölümcül dolu 1888-ci ildə Hindistanın Moradabad şəhərində təsirli olmuş və portağal böyüklüyündə buz parçaları səbəbiylə təxminən 250 adam həlak olmuşdur.
Bütün xəbərlər Facebook səhifəmizdə
.jpg)
USD
EUR
GBP
RUB
