Türkiyənin çay istehsalında dünyada beşinci yerdə olduğunu bilirsinizmi? SİA bu barədə Türkiyə saytlarına istinad edir.
Türkiyə çayın vətəni olmasa da, Türkiyәdә әn çox istehlak edilən içkinin çay olduğu mövzusunda şübhə yoxdur. Dünya Çay Komitəsinin Çində hazırladığı hesabatın nəticələrinə görə, Türkiyə 3,5 kiloqramla dünyada adambaşına ən çox çay istehlak edən ölkələr arasında birinci yerdədir. Türkiyə çay istehsalında dünyada beşinci yerdədir.
Türklər çayı Orta Asiyada istehlak etmәyә başlasalar da, çayın Anadoluya gəlməsi çox uzun çəkdi. Çay içmək 19-cu əsrin ikinci yarısından sonra Anadoluda geniş yayıldı. Buna baxmayaraq Osmanlı İmperiyası dövründә qәhvәyә daha çox üstünlük verilib. Lakin müharibələr səbəbindən insanlar bahalı və çətin tapılan qəhvədən məhrum olub. Mustafa Kamal Atatürk Cümhuriyyəti elan edildikdən sonra Türkiyədə daha ucuz və asan əldə edilən çayın yetişdirilməsini təşviq etdi. 1924-cü ildə dövlət tərəfindən Rizədə çay istehsalı ilə bağlı qanun qəbul edildi və Türkiyə çay istehsalı və istehlakı baxımından dünyada diqqətəlayiq bir pillәdә qәrarlaşdı.
Günümüzdә türklər üçün çay yalnız içki deyil, həm də gündəlik həyatda əsas sosiallaşma vasitəsidir. Birgə çay içmək dostluq, qonaqpərvərlik və nəzakət əlamətidir. Çay gündəlik həyatda sudan sonra ən çox istehlak edilən içki olmaqla yanaşı, ailə üzvlərinin və ya qonaqların bir araya gələrək ortaq dəyərləri paylaşdığı xüsusi günlərdə, mərasimlərdə və tədbirlərdə də istehlak edilir.
Bütün xəbərlər Facebook səhifəmizdə
.jpg "Əməliyyatlar DAYANDIRILSIN - PUTİN GÖSTƏRİŞ VERDİ!")
.jpg "Adnan Əhmədzadə DUBAYDA QIZLARLA.. - ŞOK FAKTLAR!")
.jpg)
USD
EUR
GBP
RUB