Dünyaşöhrətli meksikalı rəssam Frida Kahlonun bəyənmədiyi və zibilliyə atdığı avtoportreti hərracda 8,63 milyon dollara satılıb.
Fridanın 1933-cü ildə çəkdiyi və bəyənmədiyi "Avtoportret. Çox kifir" (Autorretrato. Muy feo) adını verdiyi və sonra atdığı şəkli 18 noyabrda ABŞ-ın Nyu-York şəhərindəki “Christie's” hərrac evində adı açıqlanmayan bir şəxs tərəfindən satışa çıxarılıb.
Fridanın nadir hallarda istifadə etdiyi, freska texnikası ilə çəkdiyi, 22,2-27,3 santimetr ölçülərində olan rəsminə 7-10 milyon dollar arası təxmini qiymət qoyulmuşdu və əsər 8,63 milyon dollara satılıb.
SİA-nın əldə etdiyi məlumata görə, Fridanın atılan əsərini dostu Lüsen Blox (Lucienne Bloch) tapıb, gizlicə götürərək satıb.
Xatırladaq ki, 2021-ci ildə Frida Kahlonun “Dieqo və mən” əsəri 34,9 milyon dollara satılmışdı. Bu şəkil rəssamın bu günə qədər ən yüksək qiymətə satılan əsəri sayılır.
Bütün xəbərlər Facebook səhifəmizdə
USD
EUR
GBP
RUB