...Kanada və ABŞ alimləri xroniki bel ağrısı ilə mübarizənin əsaslı şəkildə yeni üsulunu – qocalmış hüceyrələri çıxaran dərmanların köməyi ilə təklif ediblər. Bu hüceyrələr bölünməyi dayandırır, lakin toxuma məhvini pisləşdirən iltihablı maddələr ifraz etməyə davam edir. Bu hüceyrələr yaşla birlikdə fəqərəarası disklərdə və onurğa beynində toplanır, iltihab və ağrıları artırır.
Siçanlar üzərində aparılan təcrübələr göstərib ki, bu hüceyrələrin çıxarılması iltihabı azaldır, disklərin degenerasiyasını ləngidir və ağrıları aradan qaldırır.
SİA-nın məlumatına görə, araşdırmanın nəticələri “Science Advances” jurnalında dərc olunub.
Təcrübələrdə iki preparatdan istifadə edilmişdir: təbii maddə o-vanillin (vanilinin törəməsi) və sintetik birləşmə RG-7112.
Onlar qocalmış hüceyrələrə təsir edərək onların ölümünə səbəb olurlar.
Səkkiz həftəlik müalicədən sonra heyvanlarda iltihabi göstəricilərin azalması, onurğanın sağlamlığının yaxşılaşması və ağrıya qarşı həssaslığın azalması müşahidə olunub.
İki dərman birlikdə istifadə edildikdə xüsusilə güclü təsir müşahidə edilib.
Bu yanaşma bütün dünyada əlilliyin əsas səbəblərindən biri olan xroniki bel ağrısı olan milyonlarla insan üçün yeni terapiyanın əsasını təşkil edə bilər.
Gələcəkdə tədqiqatçılar klinik sınaqlara keçməyi planlaşdırırlar. İnsanlarda effektivliyi təsdiqlənərsə, qocalmış hüceyrələri aradan qaldıran dərmanlar yaşa bağlı onurğa xəstəliklərinin müalicəsinə yanaşmanı dəyişə bilər.
Nazlı Almuradova
Bütün xəbərlər Facebook səhifəmizdə
USD
EUR
GBP
RUB