... Pembrolizumab bütün dünyada xərçənglə mübarizədə ən çox satın alınan dərman olaraq qalır. Bu dərman ən təhlükəli formaları da daxil olmaqla on bir müxtəlif xərçəng növünün müalicəsində təsirli olur.
SİA-nın məlumatına görə, Rusiyada monoklonal antitel əsasında bu preparatın analoqu hazırlanıb.
Bunu R-Pharm-ın onkologiya üzrə vitse-prezidenti Larisa Smirnova bildirib.
Onun sözlərinə görə, dərman əvvəllər yüksək ölümlə xarakterizə olunan melanoma, ağciyər və böyrək xərçəngi kimi xərçəng növlərinin müalicəsində xüsusilə vacibdir.
O qeyd edib ki, dərman bahadır və onun alınması büdcənin əhəmiyyətli hissəsini təşkil edir.
Rus bioanaloqlarının ortaya çıxması pembrolizumab terapiyasının dəyərini yarıya endirməyə imkan verdi ki, bu da böyük perspektivlər açır.
Smirnova vurğulayıb ki, belə bir preparatın istehsalı Rusiyada uğurla qurulmuş yüksək texnologiyalı bioloji istehsal tələb edir.
Üstəlik, şirkət bu sahədə təcrübəsini xeyli genişləndirmişdir. O, qeyd edib ki, generiklərin və bioanaloqların buraxılması çox vaxt mövcud patentlərlə dayandırılır, lakin şirkətin artıq bu dərmanların bir çoxu üçün öz inkişafları və qeydiyyat sertifikatları var.
Patentin müddəti başa çatan kimi şirkət məhsullarının yüksək keyfiyyətinə zəmanət verərək operativ şəkildə bazara çıxarır.
Nazlı Almuradova
Bütün xəbərlər Facebook səhifəmizdə
.jpg)
USD
EUR
GBP
RUB