...Gəzinti, bağçılıq, balıq tutmaq və açıq havada idman etmək narahatlıq və depressiyanı aradan qaldırmaqda dərman kimi təsirli ola bilər.
SİA-nın məlumatına görə, York Universitetinin alimləri belə nəticəyə gəliblər.
Tədqiqatın nəticələri Health & Social Care in the Community (HSCC) jurnalında dərc olunub. Tədqiqatda 18 yaşdan 64 yaşa qədər 223 insan iştirak edib. Hamısına narahatlıq, depressiya və ya travma sonrası stress pozğunluğu diaqnozu qoyulub. Əksər könüllülər sosial və ya iqtisadi çətinliklərlə üzləşdiklərini də bildiriblər.
Eksperimentin bir hissəsi olaraq, onlardan standart müalicəni açıq havada keçirdikləri vaxtla tamamlamaları istəndi - subyektlər gəzintidən tutmuş balıq ovu və bağçaya qədər istənilən fəaliyyət növünü seçə bilərdilər.
Nəticədə, cəmi üç aydan sonra iştirakçıların narahatlıq səviyyələri orta hesabla 55 faiz azalıb. Həmçinin depressiya əlamətlərində 51 faiz azalma, həyatdan məmnunluqda isə 65 faiz artım olub.
Ən əhəmiyyətli irəliləyişlər beş-səkkiz həftə ərzində təbiətdə aktiv vaxt keçirənlərdə müşahidə olunub.
Tədqiqatçılar vurğulayırlar ki, təbiətdə vaxt dərman qəbul etməyi əvəz etmir, lakin xüsusilə erkən mərhələlərdə dərman müalicəsinin güclü və təhlükəsiz tamamlayıcısı ola bilər. Antidepresanların həmişə tez təsir göstərmədiyini nəzərə alaraq bu üsuldan istifadə etmək xüsusilə vacibdir.
Nazlı Almuradova
Bütün xəbərlər Facebook səhifəmizdə
USD
EUR
GBP
RUB