...Abakandan olan Respublika Xalq Sağlamlığı və Tibbi Profilaktika Mərkəzinin həkimləri ən əlçatan fəaliyyətin - gəzməyin faydalarını izah ediblər.
SİA xatırladır ki, gəzinti qan dövranını yaxşılaşdırır, ürək döyüntüsünü artırır, beləliklə də ürəyinizi məşq edir.
Gündə yarım saat yeriyənlər insult riskini 20 faiz, sürətli tempdə isə 40 faiz azaldır.
Gəzinti osteoporozlu insanlara sümük itkisini dayandırmağa kömək edir. Yarım saat yeriyən qadınların ombasını sındırmaq ehtimalı 40 faiz azdır. Gəzinti zamanı oynaqlar daim hərəkətdədir və daha çox qan alır.
...50-60 yaşlı insanların yaxın 8 ildə ölüm riski fiziki fəaliyyətə məhəl qoymayanlara nisbətən 35 faiz azdır.
Gəzinti ayaqların və qarın əzələlərini tonlayır, əllərinizdə ağırlıqlarla isə qolların əzələlərini də tonlayır.
30 dəqiqəlik gəzinti 200 kilokalori yandırır.
Sürətli və yavaş templəri dəyişsəniz, effekt daha aydın olacaq. Səhər bir saatlıq gəzinti yuxunun keyfiyyətini yaxşılaşdırır və yuxusuzluğu aradan qaldırır - bu təsir 50-75 yaşlı qadınlarda müşahidə olunub.
65 yaşdan yuxarı qadınlar üzərində aparılan başqa bir araşdırma, tez-tez yeriyənlərin yaddaş itkisinin daha yavaş olduğunu göstərdi. Gündə 3 km piyada gedən qadınların yaddaşı zamanla 17 faiz, həftədə bir kilometrdən az yeriyənlərin yaddaşı isə 25 faiz azalıb.
Gəzinti həm də kişilərə demansla mübarizə aparmağa kömək edir.
...Gəzinti sadə, sərbəst, maraqlı və ən əsası faydalıdır. Kilometrlərin və ya addımların sayı üçün universal standart yoxdur.
…Biz özümüzü rahat hiss etdiyimiz qədər gəzirik.
Nazlı Almuradova
Bütün xəbərlər Facebook səhifəmizdə
USD
EUR
GBP
RUB