...ABŞ-da aparılan yeni bir araşdırmaya görə, pis ağız sağlamlığı müəyyən xərçəng növlərinin inkişafına səbəb ola bilər. Ağızda yaşayan bakteriyalar baş və boyun xərçəngi riskini artıra bilər
...Baş və boyun skuamöz hüceyrəli karsinoması (SCCHC), diaqnozdan göründüyü kimi, kifayət qədər yayılmış bir xəstəlikdir: Avropada hər il 150.000-dən çox xəstəliyə diaqnoz qoyulur.
SİA-nın məlumatına görə, karsinoma əsasən kişilərə təsir edir və beş il ərzində xəstələrin yarıdan çoxunun ölümünə səbəb olur.
Nyu-York Universitetinin tədqiqatçılarının rəhbərlik etdiyi və JAMA Oncology jurnalında dərc edilən yeni bir araşdırma, xəstələrin ağızlarında tapılan yüzlərlə bakteriya növünün ən azı 13-nün baş və boyun xərçənginin inkişaf ehtimalının üçdə bir artması ilə əlaqəli olduğunu müəyyən edib.
Tədqiqatda baş və boyun skuamöz hüceyrəli karsinoması olan 236 insan və 458 sağlam insan iştirak edib. Məlum olub ki, xərçəng xəstələri daha çox tütün və alkoqoldan istifadə etməyə meyllidirlər, həmçinin risk faktoru olan insan papillomavirusunun (HPV) xüsusilə təhlükəli ştammının daha yüksək nisbətlərinə malikdirlər. Ümumilikdə əlverişsiz fonlarına baxmayaraq, elm adamları onlarda əlavə təhlükə daşıyan 13 bakteriya müəyyən edə biliblər.
Qeyd etmək lazımdır ki, tədqiqat yalnız bakteriya və xərçəng arasındakı əlaqəyə baxıb və bakteriyaların mütləq xəstəliyə səbəb olduğunu müəyyən etmir.
...Nəticələr 200-dən bir qədər çox xəstəyə əsaslanır və ağız gigiyenası ilə baş və boyun xərçəngi arasındakı əlaqəni anlamaq üçün daha çox populyasiyada əlavə tədqiqata ehtiyacımız var.
Həkimlərin fikrincə, hətta ilk nəticələr də ağız gigiyenasına riayət etməyin zəruriliyini xatırlatmaq üçün kifayət qədər inandırıcı görünür.
Nazlı Almuradova
Bütün xəbərlər Facebook səhifəmizdə
USD
EUR
GBP
RUB
