Sabah Qax rayonunun qaz təchizatında fasilə yaranacaq. Bu barədə SİA-ya Azərbaycan Dövlət Neft Şirkətinin (SOCAR) “Azəriqaz” İstehsalat Birliyindən məlumat verilib.
Bildirilib ki, İstehsalat Birliyinin Zaqatala Regional Qaz İstismar İdarəsinin Qax xidmət sahəsində Qax qazpaylayıcı stansiyasında (QPS) istismara yararsız d-200 mm-lik siyirtmənin əvəzlənməsi, Turaclı kəndində d-250 mm-lik siyirtmənin quraşdırılması, Alatəmir kəndində d-273 mm-lik orta təzyiqli qaz xəttinin deformasiyaya uğramış hissəsinin əvəzlənməsi ilə əlaqədar aprelin 18-də saat 09:30-dan etibarən şəhər və 26 kəndinin qaz təminatının dəyandırılması planlaşdırılır.
İşlər başa çatdırıldıqdan sonra qazın verilməsi bərpa olunacaq.
Bütün xəbərlər Facebook səhifəmizdə
USD
EUR
GBP
RUB