Azərbaycanın İordaniyadakı səfiri Şahin Abdullayev və İordaniyanın investisiya naziri Tariq Əbu Qazale iqtisadi və investisiya əməkdaşlığının gücləndirilməsini müzakirə ediblər.
SİA xəbər verir ki, bu barədə Azərbaycanın İordaniyadakı səfirliyi "X" sosial şəbəkəsində məlumat yayıb.
"Görüş zamanı Azərbaycan-İordaniya münasibətləri müzakirə edilib, investisiya əməkdaşlığı imkanlarına və gələcək layihələrə xüsusi diqqət yetirilib", - məlumatda bildirilib.
Qeyd olunub ki, nazir Azərbaycan səfiri ilə görüş zamanı iki dost ölkə arasında investisiya əməkdaşlığının genişləndirilməsinin vacibliyini vurğulayıb.
O, İordaniyada mövcud olan üstünlükləri və investisiya imkanlarını, investisiyaları təşviq edən qanunvericiliyi və yüksək əlavə dəyərə malik keyfiyyətli investisiyaların cəlb edilməsinə yönəlmiş tədbirləri qeyd edib.
"Azərbaycan səfiri öz növbəsində İordaniya və Azərbaycan arasında güclü qarşılıqlı münasibətləri vurğulayaraq Bakının Əmmanla əməkdaşlığı möhkəmləndirməyə, iqtisadi və investisiya əlaqələrini genişləndirməyə öhdəliyi təsdiqləyib, bu da iki dost xalqın ümumi maraqlarına cavab verir", - məlumatda bildirilib.
Bütün xəbərlər Facebook səhifəmizdə
.jpg "Vensin Azərbaycana səfəri: NƏLƏR GÖZLƏNİLİR?")
USD
EUR
GBP
RUB
