Cari il Malazgirtdə "Səlcuqlu Qərargahı" kimi tanınan ərazidə qazıntılar aparılacaq. SİA bu barədə Tükiyə saytlarına istinad edir.
Anadolunun qapılarını açan Malazgirt müharibəsinin keçirildiyi ərazini müəyyən etmək üçün 2023-cü ildə başladılan qazıntıların ikinci mərhələsi Səlcuqlu Qərargahı kimi tanınan bölgədə aparılacaq.
Daha əvvəl bölgədə təsbit edilən məzarlar bir-bir gün üzünə çıxarılarkən Muğla Sıtkı Koçman Universiteti Ədəbiyyat Fakültəsi kafedrasının müəllimi Prof. Dr. Adnan Çevik "Döyüş meydanını dəqiqləşdirmək üçün həm metal tapıntıları, həm də insan itkiləri ilə bağlı araşdırma aparırıq" deyib.
Mədəniyyət və Turizm Nazirliyinin dəstəyi ilə Mədəni İrs və Muzeylər Baş İdarəsi, Ahlat Muzeyi və Muş Alparslan Universiteti ilə əməkdaşlıq çərçivəsində həyata keçirilən “Malazgirt Müharibəsi Sahəsinin Aşkarlanması, Tarixi və Arxeoloji Tədqiqatı” layihəsi çərçivəsində qazıntı işlərinə 2020-ci ildə başlanılıb. Hər il müəyyən dövrlərdə davam edən qazıntıların cari ildəki mərhələsi Səlcuqlu Qərargahı və ya Səlcuqlu Şəhidliyi kimi tanınan bölgədə aparılacaq. 12 universitetdən 40 akademikin iştirak etdiyi qazıntılar çərçivəsində aşkarlanan qəbirlər açılmağa başlayıb.
Bütün xəbərlər Facebook səhifəmizdə
USD
EUR
GBP
RUB