Yəmənli Husilər Səudiyyə Ərəbistanının paytaxtı Ər-Riyaddakı "həssas" hədəflərə raketlər və dronlarla hücum etdiklərini iddia edirlər. Reuters xəbər verir ki, bundan əvvəl şəhərin əsas hava limanının yaxınlığında alov və böyük tüstü izləri müşahidə olunmuşdu.
Nəşrin məlumatına görə, Səudiyyə Ərəbistanı hakimiyyəti gecə ərzində Ər-Riyad ərazisində Husi hücumlarının artması fonunda mümkün təhlükə barədə xəbərdarlıqlar edib. Qısa müddət sonra paytaxtın əsas hava limanının yaxınlığında yanğın və qatı qara tüstü müşahidə olunub - terminalın yaxınlığındakı yanacaq çənlərindən alovların qalxdığı görünürdü.
Qrup Ər-Riyadın özündə konkret hədəf göstərməsə də, Səudiyyə Ərəbistanının neft ixracının əsas mərkəzlərindən biri olan Qırmızı dəniz liman şəhəri Yanbuda yerləşən Aramco obyektinə zərbə endirildiyini bildirib. Husilər hücumun Yəmənin paytaxtı Sənaya edilən zərbəyə cavab olaraq edildiyini iddia ediblər.
Husilərə qarşı çıxan hərbi koalisiya Ər-Riyada yönəlmiş bir raketi vurduğunu və ölkənin qərbində və cənub-qərbində, eləcə də Yanbuda bir neçə digər Səudiyyə şəhərinə edilən hücumların qarşısını aldığını iddia edib. Mümkün ziyan barədə heç bir məlumat verilməyib.
Husilər Yəmənin əhəmiyyətli bir hissəsinə nəzarət edir və iyul ayından bəri dəniz blokadası elan etdikdən və Qırmızı dənizdə gəmiçiliyi hədəf almağa başladıqdan bəri Səudiyyə Ərəbistanına qarşı hücumlar təşkil edirlər. Bu, xüsusilə Hörmüz boğazından keçən nəqliyyatın hələ də bağlı qaldığı bir vaxtda qlobal neft təchizatı üçün təhlükə yaradır.
Ötən həftə Səudiyyə Ərəbistanı bir sıra dron hücumlarından sonra strateji Şərq-Qərb neft boru kəmərinin fəaliyyətini dayandırıb.
VƏLİ
Bütün xəbərlər Facebook səhifəmizdə
.jpg)
USD
EUR
GBP
RUB
