"Prezident İlham Əliyevin Avropa Siyasi Birliyinin 9-cu Zirvə Toplantısı çərçivəsində keçirilən dəyirmi masada iştirakı Azərbaycanın Avropa siyasi məkanında artan diplomatik fəallığının və strateji əhəmiyyətinin növbəti göstəricisi kimi qiymətləndirilə bilər".
Bu barədə SİA-ya açıqlamasında politoloq Züriyyə Qarayeva deyib.
"Bu baxımdan Prezident İlham Əliyevin dəyirmi masada iştirakı Azərbaycanın öz milli maraqlarını çoxtərəfli diplomatik platformalarda təqdim etməsi və beynəlxalq əməkdaşlıq imkanlarını genişləndirməsi baxımından mühüm əhəmiyyət daşıyır.
Dublində keçirilən müzakirələrin əsas istiqamətlərindən birinin innovasiya, nəqliyyat bağlantıları və əlçatan enerji olması Azərbaycanın Avropa üçün strateji əhəmiyyətini daha aydın göstərir. Prezident İlham Əliyevin çıxışında Azərbaycanın Avropa İttifaqına qaz ixracının 8 milyard kubmetrdən 13 milyard kubmetrə yüksəldiyini vurğulaması ölkəmizin etibarlı enerji tərəfdaşı kimi mövqeyini nümayiş etdirir. Eyni zamanda, alternativ enerji mənbələrinin gələcək rolunun artacağına dair fikirlər Azərbaycanın yalnız ənənəvi enerji təchizatçısı deyil, həm də yaşıl enerji əməkdaşlığında perspektivli tərəfdaş olduğunu göstərir. Orta Dəhlizin inkişafı, nəqliyyat infrastrukturunun genişləndirilməsi və Avropa ilə Asiya arasında iqtisadi əlaqələrin gücləndirilməsi Azərbaycanın geosiyasi çəkisini artıran digər mühüm amillərdir. Hesab edirəm ki, bu Zirvə Toplantısında Azərbaycanın iştirakı Bakı–Brüssel münasibətlərinin praqmatik maraqlar əsasında inkişafına, ölkəmizin Avropanın enerji və nəqliyyat təhlükəsizliyində rolunun daha da möhkəmlənməsinə xidmət edir".
Bütün xəbərlər Facebook səhifəmizdə
.jpg)
USD
EUR
GBP
RUB