...Rusiya ABŞ-ın Rusiya vətəndaşları üçün mövcud olan viza mərkəzlərinin sayını məhdudlaşdırmaq qərarından məyus olub.
SİA-nın məlumatına görə, xarici işlər nazirinin müavini Sergey Ryabkov bunu "International Affairs" jurnalına verdiyi müsahibədə bildirib.
...ABŞ-ın Rusiya vətəndaşları üçün viza müraciəti mərkəzlərini məhdudlaşdırmaq qərarından dərin məyusluq duyduq, - Ryabkov vurğulayıb.
Xarici işlər nazirinin müavininin sözlərinə görə, bu tədbir Rusiya vətəndaşları üçün viza müraciəti prosesini əhəmiyyətli dərəcədə çətinləşdirir.
Bundan əlavə, turistlər və digər müraciət edənlər üçün narahatlıq yaradır.
...Bunu hər şeyin o qədər də aydın olmadığına dair bir nümunə kimi gətirirəm. Mənzərə çoxölçülüdür, çoxqatlıdır, əslində münasibətlərimizdəki hər şeydir.
Bunu Ryabkov əlavə edib.
Daha əvvəl ABŞ Dövlət Departamenti ABŞ viza müraciətlərinin təqdim edilməsi üçün yeni qaydaları elan etmişdi.
6 sentyabr 2025-ci il tarixindən etibarən müraciətlər yalnız vətəndaşlıq və ya daimi yaşayış ölkəsində təqdim edilə bilər. Əvvəllər Rusiya və digər ölkələrin vətəndaşları ABŞ diplomatik nümayəndəliyinin fəaliyyət göstərdiyi istənilən ölkədə sənədləri təqdim edə və müsahibələrdə iştirak edə bilərdilər. Bu qayda artıq ləğv edilib və ruslar üçün yalnız iki yer müəyyən edilib: Astana və Varşava.
Əli Babayev
Bütün xəbərlər Facebook səhifəmizdə
.jpg "Bu ərazilər Azərbaycana qaytarılır")
USD
EUR
GBP
RUB