Birləşmiş Millətlər Təşkilatının (BMT) İnsan Hüquqları üzrə Ali Komissarı Volker Türk Qəzzada insan haqları böhranının bütün dünyanın gözü qarşısında davam etdiyini bildirib.
SİA-nın xarici qaynaqlardan əldə etdiyi məlumata görə, BMT Təhlükəsizlik Şurası ilin ilk fövqəladə iclasında İsrailin xəstəxanalara təşkil etdiyi hücumları və Qəzzadakı səhiyyə böhranını müzakirə edib. İclasa videokonfrans vasitəsilə qatılan BMT-nin İnsan Hüquqları üzrə Ali Komissarı Volker Türk deyib: "Qəzzada insan haqları pozuntuları dünyanın gözü qarşısında davam edir. İsrailin döyüş üsulları minlərlə insanın həyatına son qoydu, bölgəni viran etdi."
Volker Türk Qəzzada beynəlxalq hüquqa məhəl qoyulmadığını və münaqişələr zamanı xəstəxanaların qorunmasının vacibliyini xatırladıb. O, beynəlxalq hüquqa zidd olaraq xəstəxanaların qəsdən hədəf alınmasının "hərbi cinayət" olduğunu vurğulayıb.
İsrailin xəstəxanalara etdiyi hücumların səhiyyə xidmətinə mənfi təsir göstərdiyini bildirən Volker Türk Qəzzadakı xəstəxanalara, səhiyyə infrastrukturuna və səhiyyə işçilərinə edilən bütün hücumların şəffaf şəkildə araşdırılmasına çağırıb.
İsrailin bu obyektlərin "Həmas" tərəfindən istifadə edildiyinə dair iddialarına toxunan Volker Türk deyib: "Ancaq İsrail bu iddiaların əksəriyyətini dəstəkləyəcək kifayət qədər məlumat təqdim etməyib".
Bütün xəbərlər Facebook səhifəmizdə
USD
EUR
GBP
RUB