Haitidə son günlərdə yaşanan zorakılıqlar səbəbindən təxminən 11 min insan evlərini tərk etmək məcburiyyətində qalıb.
SİA-nın məlumatına görə, bu barədə Beynəlxalq Miqrasiya Təşkilatının (IOM) yayımladığı hesabatda bildirilib. Hesabatda dəstə üzvlərinin törətdiyi hücumların davam etdiyi vurğulanıb və son bir neçə gündə 11 mindən çox insanın evlərini tərk etdiyi qeyd edilib.
İnteqrasiya edilmiş Ərzaq Təhlükəsizliyi Təsnifatını (IPC) aparan ekspert qrupunun analizinə görə, ölkə əhalisinin yarısını təşkil edən 5,4 milyon haitilinin qida əldə etməkdə çətinlik yaşadığı bildirilib.
Ümumdünya Ərzaq Proqramının (WFP) oktyabr ayında açıqladığı hesabatda Haitinin Qərbi Yarımkürədə kəskin aclıqla mübarizə aparan ölkə olduğu vurğulanıb.
İllərdir siyasi, iqtisadi və təhlükəsizlik böhranları ilə mübarizə aparan Haiti 11 milyonu keçən əhalisi ilə aclıq təhlükəsi ilə üz-üzədir.
Silahlı dəstələrin paytaxtın 80 faizinə nəzarət etdiyi ölkədə zorakılıq aktları artmaqda davam edir.
Birləşmiş Millətlər Təşkilatının (BMT) Haitidəki İnteqrasiya Ofisinin məlumatına görə, ilin əvvəlindən bu ölkədə silahlı dəstə üzvlərinin hücumları nəticəsində 5000-dən çox insan həlak olub.
Bütün xəbərlər Facebook səhifəmizdə
USD
EUR
GBP
RUB