Hindistanın paytaxtı Yeni Dehlidə hava çirkliliyi səbəbindən tətil edilən məktəblərin hibrid təhsil modeli ilə yenidən açılmasına qərar verilib.
SİA xarici qaynaqlara istinadən xəbər verir ki, “Hindustan Times” qəzetinin xəbərinə görə, Hindistanın Hava Keyfiyyətinin İdarə Edilməsi Komissiyası bu göstərişi verib. Bu çərçivədə paytaxtda dərslər həm fiziki, həm də onlayn şəkildə təşkil ediləcək.
Rəsmilər hava çirkliliyinin təsirlərini minimuma endirmək üçün şagirdlərə maska taxmağı tövsiyə edib. Bundan əlavə, məktəb daxilindəki fəaliyyətlərin də azaldılması məsləhət görülüb. Yeni Dehlidə hava keyfiyyəti "şiddətli" kateqoriyasının yuxarı həddini keçərək son dövrün ən pis səviyyəsinə çatıb. Paytaxtdakı hava çirkliliyinin təsirlərini azaltmaq məqsədilə təmiz enerji mənbəyindən olmayan yanacaqla işləyən yük maşınlarının və digər oxşar nəqliyyat vasitələrinin Yeni Dehliyə girişi qadağan edilib. Həmçinin, məktəblərdə əyani təhsil 10 və 12-ci siniflərdən başqa bütün şagirdlər üçün dayandırılmışdı.
Bütün xəbərlər Facebook səhifəmizdə
USD
EUR
GBP
RUB