Yaponiya gələn il yeni superkompüter yaratmağa başlayacaq. O, indi əldə etdiyimizdən min dəfə güclü olacaq və 750 milyon dollara başa gələcək.
SİA-nın rus saytlarından əldə etdiyi məlumata görə, bu barədə New Voice yazır.
Bu günün ən güclü superkompüterləri exFLOPS maneəsini yenicə sındırıblar, yəni onlar saniyədə bir kvintilyondan bir qədər çox (1-dən sonra 18 sıfır) hesablamalar apara bilirlər. Rekord sürəti 1 zetaFLOPS olan yeni superkompüter saniyədə bir sekstilyon (1-dən sonra 21 sıfır) hesablama apara biləcək. Yaponiyanın Nikkei xəbər saytı yazır ki, belə super güclü maşının yaradılması qərarı “süni intellektdən istifadə edərək elmi tədqiqatların inkişafı ilə ayaqlaşmaq üçün” qəbul edilib.
...Hazırda Fugaku Next adlanan yeni maşın Fuqaku superkompüterinin qurulmasında iştirak edən Yaponiyanın RIKEN və Fujitsu şirkətləri tərəfindən yaradılacaq.
Tom's Hardware-ə görə, Fugaku və Fugaku Next arasında çarpaz uyğunluğu təmin etmək üçün sonuncu, çox güman ki, Fujitsu üçün hazırlanmış komponentlərdən istifadə edəcək. ...Tikintiyə gələn il başlanacaq və 2030-cu ilə qədər başa çatdırılması planlaşdırılır.
Nazlı Almuradova
Bütün xəbərlər Facebook səhifəmizdə
.jpg){kind=logo}
USD
EUR
GBP
RUB
