24 yanvar tarixində start götürən və 6 komandanın iştirak etdiyi nüfuzlu turnirdə ölkəmizi Heydər Əliyev Fondu və Azərbaycan Respublikası Atçılıq Federasiyasının təşkilatçılığı ilə uğurla təmsil edən “Azerbaijan - Land of Fire” komandası keçirdiyi bütün görüşlərdə əzmkarlıq nümayiş etdirərək rəqiblərini məğlub etmiş və turnirin final qarşılaşmasına vəsiqə qazanmağı bacarmışdır. SİA-nın məlumatına görə, belə ki, heyəti kapitan Elçin Camallı (+2 handikap, Azərbaycan), Adrian Laplacette (+6 handikap, Argentina), Raul Laplacette (+6 handikap, Argentina), Tərlan Qurbanəliyev (0 handikap, Azərbaycan) və Əli Rzayev (0 handikap, Azərbaycan) kimi beynəlxalq səviyyədə təcrübəli və güclü oyunçulardan ibarət millimiz turnirin 24 yanvar tarixində keçirilən ilk oyununda İsveçrənin "The Kusnacht Practice" komandası ilə qarşılaşaraq 5-5.5 hesabı ilə qalib gəlmişdir.
25 yanvar tarixində baş tutan ikinci oyunda isə komandamız ABŞ-ın "World Polo League" komandası ilə mübarizə aparmış, müdafiədəki sabit oyun və komanda taktikasının uğurlu tətbiqi nəticəsində 3.5-3 hesabı ilə qələbə qazanaraq finala vəsiqə təmin etmişdir.
Turnirin son və final oyunu 26 yanvar tarixində keçirilmişdir.
İsveçrənin "The Kusnacht Practice" komandası ilə gərgin keçən mübarizə şəraitində Azərbaycan millisi 5-4,5 hesabı ilə turniri ikinci yerdə tamamlamışdır.
Tədbirin sonunda idmançılarımız müxtəlif xatirə hədiyyələri ilə təltif olunmuşdur.
https://www.dsx.gov.az/news/1861
Bütün xəbərlər Facebook səhifəmizdə
USD
EUR
GBP
RUB
