...Müğənni Ledi Qaqa Rio-de-Janeyroda çıxış edib. O, Kopakabana çimərliyində 2 milyon tamaşaçını cəlb edən böyük bir, özü də pulsuz konsert verib.
Müğənni ən populyar hitlərini - "Poker Face", "Alejandro" və başqalarını ifa etdib.
Təşkilatçılar bunun müğənninin karyerasında ən böyük hadisə olduğunu təsdiqləyiblər.
Onların məlumatına görə, şounu 2,1 milyon insan izləyib. Ledi Qaqa "Bloody Mary" hiti ilə başlayıb və parlaq geyimlərə çevrilib.
SİA-nın məlumatına görə, AP xəbər verir ki, bəzi izləyicilər onu dinləmək üçün hətta ağaclara da dırmaşıblar.
Müğənninin konserti Kraliçanın Sidneydə 26 aprel 1985-ci ildə baş tutan konsertinə yaxınlaşa bilib.
Xatırladaq ki, o vaxt tədbir iki milyondan çox tamaşaçı toplamışdı.
Ötən il mayın 4-də Madonna 1,6 milyon pərəstişkarı toplayaraq uğurunu təkrarlayıb.
Digər mənbələrə görə, guya 4 milyondan çox insan olub..?
P.S:...Və indi də deyirlər ki, hüquq-mühafizə orqanları Ledi Qaqanın konsertində terror aktının qarşısını ala biliblər.
Belə ki, polis Rio-de-Janeyronun Kopakabana çimərliyində baş verməli olan partlayışın qarşısını aldığını bildirib.
... Və o da bildirilir ki, təşkilatçılar əldəqayırma partlayıcı qurğulardan istifadə etməklə hücumlar həyata keçirmək üçün iştirakçıları cəlb ediblər.
İlkin məlumata görə, planın məqsədi sosial şəbəkələrdə şöhrət qazanmaq olub. Yəni bizlərdə deyildiyi kimi...yəni elə belə, “mırta”..?
Polisin məlumatına görə, plana cavabdeh olan şəxs və bir yeniyetmə həbs edilib.
Təşkilatçı olduğu iddia edilən şəxs qanunsuz olaraq odlu silah saxlamaqda, yeniyetmə isə uşaq pornoqrafiyası saxlamaqda həbs edilib.
Hüquq-mühafizə orqanları terror aktını hazırlayanların gənclərin radikallaşmasına töhfə verdiyini də bildiriblər. Braziliya Ədliyyə Nazirliyindən verilən açıqlamaya görə, qrup Ledi Qaqanın pərəstişkarı kimi özünü göstərib.
Polis “Saxta canavarlar” əməliyyatının bir hissəsi olaraq bir neçə ştatda axtarış əmrləri verib, nəticədə elektron cihazlar və digər materiallar ələ keçirilib.
Nazlı Almuradova
Bütün xəbərlər Facebook səhifəmizdə
.jpg)
USD
EUR
GBP
RUB