Türkiyənin dünyaca məşhur əfsanəvi yumor qəhrəmanı Molla Nəsrəddin üçün 63 ildir keçirilən festival olduğunu bilirsinizmi? SİA bu barədə Türkiyə saytlarına istinad edir.
Türk mədəniyyətinin ən önəmli simalarından olan Molla Nəsrəddinin xatirəsini anmaq üçün hər il iyul ayında Konyanın Akşehir rayonunda Molla Nəsrəddin şənlikləri keçirilir. İlk dəfə 1959-cu il iyunun 21-də keçirilən bu festival Türkiyənin ən uzun tarixi olan festivallardan biridir.
13-cü əsrdə yaşamış türk xalq alimi Molla Nəsrəddin keçmiş və gələcək nəsilləri birləşdirən çevik zəkası ilə tanınır. Gülməli və düşündürücü lətifələri, rəngarəng və müdrik şəxsiyyəti, gölə oğurladığı ümid mayasını qatması, eşşəyi, əmmaməsi və cübbəsi ilə Molla Nəsrəddin Balkanlardan tutmuş Orta Asiyaya qədər bütün bəşəriyyətə dostluq, sülh və tolerantlıq mesajlarını çatdıraraq yüz milyonlarla insanın qəlbində və yaddaşında xüsusi yer tutur.
Molla Nəsrəddin xatirəsinə hər il iyulun 5-dən 10-dək keçirilən şənliklər 1973-cü ildən başlayaraq dünyanın bir çox ölkəsindən elm, incəsənət və ədəbiyyat adamlarını bir araya gətirən beynəlxalq mədəni tədbirə çevrilib. İyulun 5-də Molla Nəsrəddinin təmsili olaraq məzarından oyandırılaraq Akşehir küçələrində gəzdirilməsi ilə başlayan şənlik Akşehir gölündə maya hazırlanması ilə davam edir. Altı gün davam edən festivalda konsertlər, teatr tamaşaları və sərgilər, kitab imzalanmaları və açıq sessiyalar kimi tədbirlər keçirilir.
Bütün xəbərlər Facebook səhifəmizdə
_1713508342.jpg)
USD
EUR
GBP
RUB
