Memar Sinan tərəfindən 460 il əvvəl inşa edilən su kəmərinin ilk günkü kimi İstanbula su daşımağa davam etdiyini bilirsinizmi? SİA bu barədə Türkiyə saytlarına istinad edir.
1554-1563-cü illər arasında Kanuni Sultan Süleymanın göstərişi ilə ik imin illik Kırkçeşme Su Yolu Sistemini İstanbula gətirmək üçün Memar Sinan tərəfindən inşa edilən Mağlova su kəməri ilk günkü kimi İstanbula su daşımağa davam edir. Memar Sinanın şah əsərlərindən biri olan Mağlova su kəməri İstanbulda Əlibəy çayının üzərində yerləşib.
Bu gün bir dərənin iki tərəfini birləşdirən və bölgə əhalisi üçün körpü rolunu oynayan Mağlova su kəməri dünyada heç bir yerdə olmayan bir quruluşa malikdir. 1563-cü ildə görünməmiş bir qasırğada tamamilə dağılan kəmər Memar Sinan tərəfindən güclü axınlara və zəlzələlərə davamlı yeni sistem layihələndirilərək yenidən inşa edilmişdir. Aşağı mərtəbədəki kiçik gözlərlə sellərdə suyun intensivliyini, yuxarı mərtəbədəki kiçik gözlərlə fırtınalarda küləyin şiddətini azaltmaq məqsədi daşıyır. Ayrıca aşağı tərəfə doğru genişlənən dayaqlar sayəsində kəmərin çəkisini bölüşdürməyi də bacarır. Dövrün texnologiyası ilə bu nəhəng quruluşun ortaya çıxması əksər sənət tarixçiləri tərəfindən “möcüzə” kimi qələmə verilir
Mağlova su kəməri mütəxəssislər tərəfindən memarlıq, mühəndislik və estetika baxımından dünyanın möcüzəsi, dünya su memarlığının şah əsəri kimi qəbul edilir. Hündürlüyü 36 metr, uzunluğu 258 metr olan kəmər dünya turizmi baxımından Eyfel qülləsi və Mostar körpüsü ilə müqayisə oluna biləcək çox qiymətli əsər hesab edilir.
Bütün xəbərlər Facebook səhifəmizdə
USD
EUR
GBP
RUB