Dünyanın ən yaşlı adamı, bir gün əvvəl 113 yaşını qeyd edən venesuelalı Xuan Visente Peres Mora uzunömürlülüyünün sirlərindən danışıb.
SİA xəbər verir ki, bu barədə “Komsomolskaya Pravda” “Daily Mail”ə istinadən yazır.
Peres uşaqlıqdan atası və qardaşları ilə qəhvə plantasiyalarında çox çalışdığını bildirib. Bundan əlavə, o, şəkər qamışının yığılmasına köməklik edib.
Onun fikrincə, uzun ömrün sirri işdədir. “Çox çalışın, vaxtında tətil edin, tez yatın, Allahı sevin və daima ürəyinizdə daşıyın” –deyə o bildirib.
Akademik və ürək cərrahı Leo Bokeria bir müddət əvvəl ürək xəstəliklərinin və digər problemlərin qarşısını almaq, uzun yaşamaq üçün mütəmadi olaraq 10 000 addım addımlamağın lazım olduğunu bildirmişdi.
“Gəzinti müxtəlif xəstəliklərin qarşısının alınması üçün ən əlçatan, ucuz və təhlükəsiz üsullardan biridir. Bu, insanın optimal motor rejimini və həyat keyfiyyətini qorumağa kömək edir”, - deyə alim vurğulayıb.
O, yeriməyin optimal tempini seçməyi, nəbzi və ümumi rifahı idarə etməyə kömək edəcək ürək dərəcəsi monitorundan istifadə etməyi tövsiyə edir.
Ağasəf Babayev
Bütün xəbərlər Facebook səhifəmizdə
USD
EUR
GBP
RUB