...Braziliyanın baru meyvəsi ürək sağlamlığına, bağırsaq funksiyasına və ümumi metabolik sürətə əhəmiyyətli dərəcədə müsbət təsir göstərə bilər.
SİA xəbər verir ki, bu barədə "Food & Function" (F&F) elmi nəşri məlumat verib.
Bir qrup tədqiqatçı Dipteryx alata ağacının meyvəsinin kimyəvi tərkibi və bioloji aktivliyi ilə bağlı hazırda mövcud olan bütün elmi məqalələrin ətraflı təhlilini aparıb. Mütəxəssislər bitki lifinin, qiymətli təbii yağların və təbii antioksidantların yüksək konsentrasiyasının bu ekzotik meyvəni pəhrizə daxil etmək üçün son dərəcə faydalı etdiyini aşkar ediblər.
Mütəxəssislər meyvənin hər bir komponentinin xüsusiyyətlərini diqqətlə araşdırıblar.
...Məlum olub ki, yumşaq baru pulpası düzgün həzm üçün vacib olan mürəkkəb karbohidratlar və həll olunmayan pəhriz lifi ilə zəngindir.
Eyni zamanda, ənənəvi olaraq qoz kimi yeyilən meyvənin toxumu zəngin bitki zülal mənbəyidir. O, həmçinin ürək-damar sağlamlığının qorunması üçün vacib hesab edilən yüksək səviyyədə linoleik və oleik turşuları ehtiva edir. Meyvənin əlavə dəyəri hüceyrələrdə oksidləşdirici stresslə effektiv şəkildə mübarizə aparan xüsusi birləşmələrin - flavonoidlərin olması ilə təmin edilir.
Alimlərin tapıntılarına görə, barunun müntəzəm istehlakı bağırsaq mikroflorasında faydalı bakteriyaların böyüməsini stimullaşdıra və lipid metabolizmasını əhəmiyyətli dərəcədə yaxşılaşdıra bilər.
Hazırkı məlumatların əksəriyyəti ilkin təcrübələr və kiçik klinik sınaqlar vasitəsilə əldə edilsə də, icmalın müəllifləri məhsulun böyük potensialına əmindirlər.
Onlar barunu qan damarlarını zədələnmədən qoruya bilən perspektivli funksional qida elementi kimi görürlər.
Əvvəllər tərkibində hesperetin maddəsi olan sitrus meyvələrinin faydalı xüsusiyyətləri elmi ictimaiyyətdə müzakirə olunurdu.
...Qaraciyərin bioloji qocalma prosesini ləngidən hesperetin bu meyvələrdə tapılmışdı.
Nazlı Almuradova
Bütün xəbərlər Facebook səhifəmizdə
USD
EUR
GBP
RUB