Bayram günlərində Naxçıvanda 56 yanğın olub

Bayram günlərində Naxçıvan Muxtar Respublikasında (MR) 56 yanğın olub, 1 hərbi sursat aşkar edilib. Naxçıvan MR Fövqəladə Hallar Nazirliyindən (FHN) SİA-ya verilən məlumata görə, nazirliyin “112” qaynar telefon xəttinə daxil olan zənglər əsasında qurumun aidiyyəti strukturları tərəfindən bayramlarla əlaqədar qeyri-iş günləri ərzində ümumilikdə 56 yanğına çıxış, 1 köməksiz vəziyyətdə qalma və 1 hərbi sursatın aşkar edilməsi faktı üzrə qəza-xilasetmə əməliyyatları həyata keçirilib.

Görülən təcili və təxirəsalınmaz tədbirlər nəticəsində yanğınların operativ söndürülməsi, insanların həyatının xilas olunması təmin edilib.

Bütün xəbərlər Facebook səhifəmizdə