NATO ölkələri arasında 2021-ci ildə milli gəlirdən müdafiə xərclərinə ən çox pay ayıran ölkə Yunanıstan olub. SİA xəbər verir ki, NATO-nun 2021-ci il apardığı statistika məlumatlarına görə, Yunanıstan uzun illərdən sonra milli gəliri daha çox müdafiəyə yer ayırıb.
Beləliklə, Yunanıstan müdafiəyə ayırdığı gəlirə görə ABŞ-ı geridə qoyub. Yunanıstan 2021-ci ildə milli gəlirin 3,8 faizini müdafiə xərclərinə ayırıb. Yunanıstanın son illərdə müdafiəyə ayırdığı pay Şərqi Aralıq dənizində Türkiyə ilə yaşadığı gərginliyə paralel olaraq artır.
“NATO Ölkələrinin Müdafiə Xərcləri 2014-2021” hesabatı ölkələrin müdafiə xərclərinin Ümumi Daxili Məhsula nisbətini göstərir. İkinci yerdə 3,5 faizlə ABŞ qərarlaşıb. Bu ölkələri 2,8 faizlə Xorvatiya, 2,3 faizlə İngiltərə, Estoniya və Latviya izləyir.
Bütün xəbərlər Facebook səhifəmizdə