...Rusiya Ukraynada apardığı qanlı müharibəyə insanları cəlb etməyin yollarını tapmaqdan heç vaxt yorulmur. Aldatma yolu ilə, dinc peşələrdə (ekstremal hallarda - qoşun təmin etmək kimi arxa cəbhə xidmətlərində -A.B.) yüksək maaş vədləri ilə ölkəyə cəlb etməyə və sonra Afrika və Asiyanın kasıb ölkələrindən minlərlə insanı cəbhəyə göndərməyə nail olub.
İşə qəbul kampaniyasındakı bir yenilik, bir filmin çəkilişində iştirak etmək təklifidir. Film afişası üslubunda bəzədilmiş reklamda deyilir: “Qlobal kastinq. Yeni film layihəsi. Afrikalılar kişi rolları üçün axtarılır.”
SİA-nın əldə etdiyi məlumata görə, Politico yazır ki, bu reklam Facebook-da peyda olub və hərbi geyimli qaradərili kişilərin süni intellekt tərəfindən yaradılan təsvirini nümayiş etdirib.
Başlıqlarda, bilərəkdən və ya bilmədən, "shooting" sözü istifadə olunur.
İşə qəbul edənlərin əsas məqsədi daimi və ya heç bir iş tapa bilməyən, ailənin acınacaqlı iqtisadi vəziyyəti səbəbindən layiqli bir həyat qazana bilməyən gənc kişilərdir.
Afrika qeyri-kommersiya təşkilatı olan “Afrika üçün Kod” Rusiya əməliyyatının bir hissəsi olaraq 89 veb sayt, “Facebook” və digər sosial şəbəkələrdə yeddi hesab, messencerlərdə 39 hesab və ya kanal müəyyən edib və eləcə də daim yeniləri ortaya çıxır.
Beləliklə, Hindistan, Şri-Lanka, Kuba, Keniya, Nepal, Botsvana, Cənubi Afrika və digər ölkələrin sakinləri Ukraynadakı müharibəyə qoşulublar.
Bəzilərinin, məsələn, Cənubi Afrika və Keniyanın liderləri hətta şəxsən Vladimir Putin və xarici işlər naziri Sergey Lavrovdan ölkələrində bu təcrübəni dayandırmalarını tələb ediblər.
Moskva on minlərlə bot, influenser və kontent marketinq mütəxəssisi ilə nəhəng bir təbliğat sistemi yaradıb, onlara Rusiyanın onların azadlığının, suverenliyinin və ləyaqətinin müdafiəçisi kimi göründüyü afrikalılar üçün inandırıcı bir hekayə yaratmaq tapşırılıb.
Bunu Avropa Xarici Əlaqələr Şurasının baş elmi işçisi Uill Braun "Politico"ya deyib: Əvvəlcə biz düşünürdük ki, bu təbliğat sistemi yalnız ictimai rəyə təsir etmək üçün lazımdır. Amma indi aydındır ki, o, həmçinin ümidsiz gəncləri cəbhə xəttinə cəlb etmək üçün də istifadə olunur.
Ora gələnlər irqi təhqirlərdən, onlardan pulların necə oğurlandığından danışırlar və məzmununu başa düşmədikləri müqavilələri Rusiya Federasiyası Müdafiə Nazirliyi ilə imzalamağa məcbur edilirlər və bir həftəlik təlimdən sonra minalanmış sahəyə atdırılırlar.
Əli Babayev
Bütün xəbərlər Facebook səhifəmizdə
USD
EUR
GBP
RUB
