...Baltikyanı ölkələrdəki NATO hərbçiləri taktikaları müasir müharibənin reallıqlarına uyğunlaşdırmağa çalışırlar ki, bu da xüsusilə Ukraynada özünü göstərir.
Lakin Latviyada keçirilən təlimlər göstərdi ki, Avropa orduları hələ də döyüş əməliyyatlarının aparılması üçün yeni metodlara tam keçiddən uzaqdır.
SİA-nın əldə etdiyi məlumata görə, bunu The Wall Street Journal yazır.
...Kanada NATO briqadasının son təlimləri zamanı danimarkalı hərbçilər düşməni təqlid edərək, İspan əsgərlərinin mövqelərinə dronların köməyi ilə hücum ediblər və sonra quru hücumu həyata keçiriblər.
Bundan əvvəl onlar gecə qoşunların cəmləşdiyi ərazilərdə simulyasiya olunmuş zərbələr endiriblər.
...“Biz sadəcə məşq etmirik. Biz əsl döyüş tapşırığını yerinə yetiririk”, - deyə NATO briqadasının komandiri, kanadalı polkovnik Devid Brassard bildirib.
Danimarka hərbçiləri Rusiya və Ukraynanın təcrübəsini fəal şəkildə öyrənir və dronların idarə olunmasını mənimsəyir. Lakin, hətta onlar da etiraf edirlər ki, hələ də Ukrayna cəbhəsində formalaşdırılan taktikaları tam şəkildə təkrarlaya bilmirlər.
Nəşr qeyd edir ki, orada vurulan hədəflərin təxminən 90 faizi dronlardır. Kanada qoşunlarının da problemləri var. Təlimlərdəki Leopard tanklarında dron aşkarlama sistemləri və xüsusi mühafizə vasitələri yox idi. Artilleriya ekipajları aşkarlanma riskini azaltmaq üçün haubitsaları uzun məsafələrə yaymağa və torpağın daha dərin qatlarına basdırmağa çalışırlar.
Latviya Prezidenti Edqars Rınkeviçs də alyansı hərbi doktrinasını tez bir zamanda dəyişdirməyə çağırıb.
O, “NATO daha çevik və uyğunlaşa bilən olmalıdır” deyib. Eyni zamanda, Ukrayna ordusu NATO-ya yalnız onların təcrübəsini müşahidə etməyi deyil, həm də Ukrayna bölmələrini birgə təlimlərə fəal şəkildə daxil etməyi təklif edir.
Ukrayna Prezidentinin ofisinin rəhbəri Kirill Budanovun sözlərinə görə, bunsuz müttəfiqlər dronların kütləvi istifadəsinin təsiri altında müharibənin necə dəyişdiyini dəqiq başa düşə bilməyəcəklər.
Əli Babayev
Bütün xəbərlər Facebook səhifəmizdə
USD
EUR
GBP
RUB
