...Mərkəzi Kəşfiyyat İdarəsinin (MKİ) direktoru Con Retkliffin Moskvaya gözlənilməz səfərindən sonra Rusiya Ukraynaya raket və pilotsuz təyyarə hücumlarını kəskin şəkildə artırdı.
Vaşinqtonun Kremli danışıqlara qayıtmağa inandırmaq cəhdi uğursuz oldu və əksinə, Putinin hərbi qələbə qazanmaq əzmini gücləndirə bilər.
SİA-nın əldə etdiyi məlumata görə, bu barədə The Washington Post yazır.
Son on gün ərzində Rusiya qoşunları Ukraynanın enerji və su təchizatına, eləcə də supermarketlərə və ərzaq anbarlarına hücumları gücləndirib.
Moskva ümid edir ki, kritik infrastrukturun dağıdılması ictimai narazılığı artıracaq və Kiyevi ərazi güzəştlərinə getməyə məcbur edəcək.
...Düşmənin çökəcəyinə şübhəm yoxdur, - deyə Putin rus jurnalistlərə müharibənin nəticəsinə inamını nümayiş etdirərək bildirib.
Nəşrin məlumatına görə, Retkliff Federal Təhlükəsizlik Xidmətinin direktoru Aleksandr Bortnikovla görüşündə Rusiya rəhbərliyinə müharibənin davam etdirilməsinin nəticədə Rusiyanın mövqeyini daha da pisləşdirəcəyi barədə xəbərdarlıq edib.
O, Rusiyanın mövqeyinin zəifliyini qeyd edərək danışıqlara qayıtmağa çağırıb.
Lakin Moskva bu siqnalı fərqli şəkildə şərh edib.
Nəşrin mənbələrindən biri bildirib ki, Putin təzyiq cəhdini ABŞ-ın zəifliyinin əlaməti kimi şərh edə bilərdi.
Diplomatik dairələrə yaxın bir rusiyalı akademik hesab edir ki, intensivləşdirilmiş zərbələr Vaşinqtona Kremlin mövqeyini dəyişdirmək niyyətində olmadığına dair bir siqnal ola bilər.
Bu arada, Rusiyanın Donbasdakı hücumu faktiki olaraq dayandırılıb və iyulun sonuna qədər büdcə kəsiri 74,4 milyard dollara çatıb.
Ukraynanın enerji infrastrukturuna zərbələrindən sonra ölkə ciddi yanacaq böhranı ilə də üzləşib.
Putin bir neçə aylıq müharibənin Ukrayna üçün Rusiyadan daha çətin olacağını gözləyir. Kreml həmçinin Avropada siyasi dəyişikliklərə və Qərbin Kiyevə dəstəyinin azalmasına ümid edir.
...Putin həqiqətən də vəziyyətin onun xeyrinə dəyişdiyinə inanır, - analitik Tatyana Stanovaya deyir.
Əli Babayev
Bütün xəbərlər Facebook səhifəmizdə
.jpg)
USD
EUR
GBP
RUB