İran ABŞ bazalarına qarşı hücumlarda süni intellektli dronlardan istifadə edib

17:42 | 708
İran ABŞ bazalarına qarşı hücumlarda süni intellektli dronlardan istifadə edib

İran ABŞ-nin Yaxın Şərqdəki hərbi bazalarına endirdiyi cavab hava zərbələri zamanı süni intellekt texnologiyası ilə təchiz edilmiş pilotsuz uçuş aparatlarından (PUA) istifadə edib.

SİA yerli mənbələrə istinadən xəbər verir ki, bu barədə İslam Respublikası ordusunun nümayəndəsi Məhəmməd Əkrəminiya məlumat verib.

“Düşmənə qarşı son əməliyyatlar zamanı “Fəth” sinfinə aid “yer-yer” tipli raketlərdən və süni intellektlə təchiz edilmiş “Araş-2” pilotsuz uçuş aparatlarından istifadə etdik”, - deyə o, dövlət televiziyasının efirində bildirib.

İran ordusunun nümayəndəsinin sözlərinə görə, İran Silahlı Qüvvələri cavab zərbələrini “birləşdirilmiş və asimmetrik şəkildə həyata keçirir ki, bu da hədəfləri asanlıqla vurmağa imkan verir”.

Əkrəminiya qeyd edib ki, Tehran təhdidlərin yaranacağı təqdirdə qabaqlayıcı əməliyyatlar keçirmək imkanını istisna etmir. O, həmçinin İsrailə xəbərdarlıq edərək, İranın yeni təcavüzə cavabının “sürətli və sarsıdıcı” olacağını bildirib.

WhatsApp-da Səs Media Qrupu kanalını izləyin
Banner

Bütün xəbərlər Facebook səhifəmizdə

Digər xəbərlər