...Çin 2024-cü ildə Rusiya ilə birgə elmi nəşrlərin siyahısında digər ölkələri geridə qoyaraq birinci yeri tutub.
SİA-nın rus saytlarından əldə etdiyi məlumata görə, ən aktiv əməkdaşlıq təbiət elmləri sahəsində qeydə alınıb. 2024-cü ildə Çin Scopus indeksli jurnallarda rusiyalı tədqiqatçılarla birgə dərc olunmuş elmi məqalələrin sayına görə dünyada liderlik edib.
Beynəlxalq birgə nəşrlərin ümumi sayından (19.299) Çinin payına 4.160 (təxminən 22 faiz) düşüb.
Bu məlumatlar HSE Elm Göstəriciləri kolleksiyasında təqdim olunur.
ABŞ 3.111 nəşrlə (16%) ikinci yeri tutub, ardınca Almaniya (2.489, 13 faiz) və Hindistan (2.053, 16 faiz) gəlir. Birləşmiş Krallıq (1.872, 10 faiz), Fransa (1.707) və İtaliya (1.647) də ilk onluğa daxil olub.
Qlobal olaraq, Çin 2024-cü ildə Scopus-da nəşrlərin ümumi sayına görə dünyada liderlik edib (1,2 milyon, 31 faiz), ABŞ-ı (627.000, 16 faiz) və Hindistanı (310.000, 8 faiz) qabaqlayıb. Rusiya 100.900 məqalə (3 faiz) ilə 13-cü yerdə qərarlaşıb.
2022-ci ildə baş verən geosiyasi hadisələr səbəbindən Web of Science və Scopus beynəlxalq verilənlər bazaları Rusiya elmi jurnallarını indeksləşdirməyi dayandırdı.
Buna cavab olaraq Rusiya hökuməti bu verilənlər bazalarına nəşrlərin daxil edilməsinə moratorium tətbiq edərək, onu 2024-cü ilin sonuna qədər uzadıb.
Alternativ olaraq, 2024-cü ilin noyabr ayından başlayaraq qrant müraciətlərinə baxılarkən bu beynəlxalq verilənlər bazalarının funksiyalarını əvəz edəcək elmi jurnalların "Ağ Siyahısı" yaradılıb.
Əli Babayev
Bütün xəbərlər Facebook səhifəmizdə
-bmt145.jpg)
.jpg)
USD
EUR
GBP
RUB