Albaniyanın paytaxtı Tiranada Baş nazirin müavini Belinda Ballukaya qarşı korrupsiya ittihamları ilə dərinləşən siyasi böhran fonunda kütləvi etirazlar başlayıb.
Minlərlə müxalifət tərəfdarı küçələrə çıxaraq Baş nazir Edi Ramanın istefasını tələb edib. Yerli medianın məlumatına görə, toqquşmalar zamanı polis dörd etirazçını saxlayıb, daha yeddi nəfər isə istintaq altındadır.
SİA-nın əldə etdiyi məlumata görə, bu barədə Polotico yazır.
...İki polis əməkdaşı yaralanıb, bir etirazçı isə təsadüfən özünü yandırıb. Etirazlar veteran alban siyasətçisi Sali Berişanın rəhbərlik etdiyi Demokrat Partiyası tərəfindən təşkil edilib.
Korrupsiyaya qarşı mübarizə üzrə istintaq qrupu Ballukanı böyük dövlət müqavilələrinin verilməsinə müdaxilə etməkdə ittiham etdikdən sonra ölkədə siyasi gərginlik bir neçə həftədir ki, artır. Bu,
Tirana Dairəvi Yolu və Ljogara Tunelinin tikintisi də daxil olmaqla, irimiqyaslı infrastruktur layihələri üçün tenderlərin manipulyasiyası ilə bağlıdır.
Parlament toxunulmazlığı hazırda onun həbsinin qarşısını alır və hakim Sosialist Partiyası Konstitusiya Məhkəməsinin qərarını gözləyərək onun vəzifədən kənarlaşdırılması ilə bağlı səsverməni təxirə salır.
Balluku özü ittihamları rədd edir, onları təhrif və yalan adlandırır və istintaqla əməkdaşlıq etməyə hazır olduğunu bəyan edir.
Edi Rama öz növbəsində özünü müdafiə edərək korrupsiyaya qarşı mübarizə agentliyinin işini tənqid edərək, onun səhvlər etdiyini və "məhkəmə prosesi olmadan həbslər" tətbiq etdiyini iddia edib.
Müxalifət baş naziri səlahiyyətlərindən sui-istifadə etməkdə və seçki saxtakarlığında ittiham edir və Ramanın legitimliyini itirdiyini iddia edir. Buna baxmayaraq, may ayında dördüncü müddətə yenidən seçilən baş nazir istefa verməkdən imtina edir.
Əli Babayev
Bütün xəbərlər Facebook səhifəmizdə
.jpg "Ramiz Mehdiyevin BİLİNMƏYƏN ORTAĞI! - KİMDİR O?")
.jpg "Pezeşkian İSTEFA VERDİ! - NƏ BAŞ VERİR?")
USD
EUR
GBP
RUB