Elektrik enerjisinin verilişində keyfiyyət göstəricilərinin artırılması və artan yük tələbatının qarşılanması məqsədilə noyabrın 5-də bir sıra ərazilərdə yerləşən bəzi Transformator Məntəqələrində (TM), eləcə də 10 və 110 kV-luq hava xətlərində təmir işləri aparılacaq.
“Azərişıq” ASC-dən SİA-ya bildirilib ki, Binəqədi Rayon Enerji Təchizatı və Satışı İdarəsinin (RETSİ) ərazisində saat 10:00-dan 14:00-dək Məhəmməd Əmin Rəsulzadə qəsəbəsi Qasım bəy Hacıbababəyov və Zahid Qəmbərov küçələrində enerjinin verilişi müvəqqəti dayandırılacaq.
Planlı fasilə saat 09:30-dan 12:00-dək Xətai rayonu Həzi Aslanov qəsəbəsində yerləşən bir sıra yaşayış sahələrini əhatə edəcək.
Maştağa Enerji Təchizatı və Satışı İdarəsinə (ETSİ) daxil olan Pirşağı bağları massivinin müəyyən qismində saat 10:00-dan 12:00-dək enerjinin verilişi məhdudlaşdırılacaq.
Xəzər rayonu Binə Sovxoz yaşayış massivində yerləşən Əli İsazadə küçəsində planlı fasilə saat 10:00-dan 14:00-dək davam edəcək.
Görüləcək işlər yekunlaşdıqdan sonra həmin ərazilərdə abonentlər daha keyfiyyətli və dayanıqlı elektrik enerjisi ilə təmin olunacaqlar.
Bütün xəbərlər Facebook səhifəmizdə
.jpg)
USD
EUR
GBP
RUB
