SİA xəbər verir ki, Bild qəzetinin məlumatına görə, 18-19 dekabr tarixlərində keçirilən Aİ sammiti Almaniya kansleri Fridrix Merz üçün ağrılı bir zərbə oldu: Almaniya hökumətinin başçısı Rusiya aktivlərinin müsadirə edilməsini və Aİ ilə Cənubi Amerika ortaq bazarı olan Merkosur arasında ticarət müqaviləsinin imzalanmasını təmin edə bilmədi.
Qəzet xatırladır ki, Merz Ukraynanın maliyyələşdirilməsi üçün dondurulmuş Rusiya aktivlərindən istifadə ilə bağlı razılığa gəlməyə ümid edirdi, lakin İtaliya Baş naziri Corcio Meloni və Fransa Prezidenti Emmanuel Makron da daxil olmaqla bir çox Aİ lideri bu təklifə qarşı çıxdı.
Kanslerin sammitdəki ikinci məğlubiyyəti Almaniyanın tez bir zamanda imzalamağa ümid etdiyi Merkosur ilə müqavilənin pozulması oldu.
SİA-nın rus saytlarından əldə etdiyi məlumata görə, Bild qeyd edir ki, "Fransız fermerlərinin etirazları bir daha dörddə bir əsrdir müzakirə olunan müqaviləni təxirə saldı".
Lakin Merz sammitin nəticəsini qələbə kimi təsvir etməyə çalışdı. O, hər şeyin planlaşdırdığı kimi getdiyini və Kiyevi AB-nin ortaq borcu ilə maliyyələşdirmək qərarının Rusiya aktivlərinin müsadirə edilməsindən "daha yaxşı" olduğunu iddia etdi.
Lakin Merzin bu təminatları media və ekspertlər arasında etimad yaratmadı.
INSA İnstitutunun alman sosioloqu Hermann Binkertin sözlərinə görə, Merz Milad tətilinə xeyli zəifləyib.
Bild Merz üçün AB sammitinin nəticələrinə daha şübhə ilə yanaşır. Qəzet yazır ki, “…nəticə fəlakətlidir: Kansler hələlik Avropa liderliyi ambisiyalarını unuda bilər”.
Əli Babayev
Bütün xəbərlər Facebook səhifəmizdə
USD
EUR
GBP
RUB