...Litva bir sıra hava şarları hadisələrindən sonra Belarusla sərhədini birdəfəlik bağladığını elan etdi.
SİA-nın məlumatına görə, Litva hakimiyyəti bu hadisələri hibrid hücumun bir hissəsi hesab edir və əlavə təhlükəsizlik tədbirləri hazırlayır.
Sərhədlərin bağlanması bu cür hücumlara qarşı təsirli tədbir hesab edilə bilərmi?
...Vilnüs Siyasi Təhlil İnstitutunun baş analitiki Marius Laurinaviçius deyir ki, əgər Belarus rejimi hibrid hücumlarını dayandırarsa, bu, yaxşı, asimmetrik cavabdır. Əgər dayandırmazsa, deməli, bu, kifayət deyil. Beləliklə, Litva ona qarşı bu cür hibrid hücumlar başlayanda görməli olduğu tədbirləri görür.
Maraqlıdır, hava şarları sərhədi keçməyə davam edərsə, Vilnüs başqa hansı addımları ata bilər?
Hərbi və ya beynəlxalq təhlükəsizlik mexanizmlərini işə salmaq mümkündürmü?
...Bu, hərbi texnikanı nə hesab etməyinizdən asılıdır: əgər bu cür zondların, şarların və ya hətta dronların vurulması hərbi tədbir hesab olunursa, bəli, qərar artıq verilib. Litva hələ texniki olaraq bu cür vasitələrdən istifadə etməyə hazır olmaya bilər, amma baş nazirimiz onları vurmaq qərarını açıq şəkildə elan etdi. Bu cür tədbirlər də müzakirə olunur. ...Litvadan Kalininqrada yük tranzitinin tamamilə bağlanması cavab tədbiri kimi mümkündürmü?
...Bu cür tədbirlər də açıq şəkildə müzakirə olunub. Kritik bir vəziyyətdə, düşünürəm ki, bu mümkündür, çünki xarici işlər nazirimiz Kestutis Budrisin dediyi kimi, əgər bu, milli təhlükəsizliklə bağlıdırsa, belə bir tədbir də tətbiq oluna bilər.
Əli Babayev
Bütün xəbərlər Facebook səhifəmizdə
USD
EUR
GBP
RUB