...ABŞ Dövlət Departamenti Ukraynaya 825 milyon dollara 3350 ERAM havadan buraxılan raketin satışını təsdiqləyib. ABŞ Müdafiə Nazirliyinin Müdafiə Əməkdaşlıq Agentliyi Ukraynanın həm 3350 ERAM raketi, həm də anti-spoofing modulu (SAASM), Y-Code və ya M-Code ilə eyni sayda GPS və INS naviqasiya sistemləri sifariş etdiyini bildirdi.
Hərbi paketə raket konteynerləri, onların asılması üçün dirəklər, həmçinin digər ehtiyat hissələri və istehlak materialları daxildir.
SİA xəbər verir ki, bu barədə ABŞ Müdafiə Əməkdaşlıq Agentliyinin saytında məlumat verilib.
Paketə həmçinin təlim proqramı, logistika və mühəndislik dəstəyi daxildir. Məlumdur ki, Kiyev bu hərbi paket üçün Danimarka, Norveç və Hollandiyanın ayırdığı vəsaitdən 825 milyon dollar ödəyəcək.
Vaşinqton ERAM raketlərinin ən qısa zamanda Ukraynaya çatdırılacağını bəyan edib.
ERAM havadan buraxılan raket 460 km məsafə qət edə bilir. Həm quru, həm də dəniz hədəflərini vurur.
Onun çəkisi 220 kq, vuruşların dəqiqliyi isə 50 faizi ötür. Arzu edilərsə, raket Rusiya Federasiyasının hərbi zavodlarının olduğu Tulaya uça bilər.
Avqustun 24-də məlum olub ki, Tramp Ukraynaya uzaqmənzilli təyyarə raketlərinin satışına icazə verib.
Əli Babayev
Bütün xəbərlər Facebook səhifəmizdə
USD
EUR
GBP
RUB