2025-ci ilin yanvar ayında Qara dənizdən ixrac edilən su məhsullarından 19 milyon 376 min 620 dollar gəlir əldə edilib. SİA bu barədə Türkiyə saytlarına istinad edir.
Şərqi Qara Dəniz İxracatçılar Birliyinin İdarə Heyətinin sədri Saffet Kalyoncu bildirib ki, ilin ilk ayında bölgədən 17 ölkəyə su məhsulları ixrac edilib.
2025-ci ilin yanvar ayında Qara dənizdən 2798 ton su məhsulları ixrac edildiyinə diqqət çəkən Kalyoncu ixracdan 19 milyon 376 min 620 dollar gəlir əldə edildiyini bildirib.
Bölgə ixracında Rusiya Federasiyasının 6 milyon 451 min 269 dollarla birinci yerdə olduğuna diqqət çəkən Kalyoncu bu ölkəni 3 milyon 818 min 840 dollarla Yunanıstan və 2 milyon 473 min 997 dollarla Hollandiyanın izlədiyini vurğulayıb.
Kalyoncu keçən ilin ilk ayından fərqli olaraq bu mövsüm Qara dənizdən Yunanıstan və Ukraynaya çoxlu dəniz məhsulları ixrac edildiyini, ixracın və ölkə müxtəlifliyinin artırılması üçün səy göstərdiklərini bildirib.
Kalyoncu əlavə edib ki, bölgənin su məhsulları ixracatının qarşıdan gələn günlərdə daha yaxşı səviyyələrə çatmasını gözləyirlər.
Bütün xəbərlər Facebook səhifəmizdə
USD
EUR
GBP
RUB