Türkiyənin Milli Müdafiə Naziri Yaşar Gülər son terrorçu zərərsizləşdirilənə qədər terrorla mübarizəni qətiyyətlə davam etdirəcəklərini bildirib. Nazirlikdən verilən məlumata görə, Yaşar Gülər Baş Qərargah rəisi Ordu Generalı Metin Gürak və bir sıra komandanlarla birlikdə İğdıra gedərək hərbçilərlə görüşüb.
SİA-nın məlumatına görə, görüşdə çıxış edən Yaşar Gülər hərbçiləri yeni il münasibətilə təbrik edib. O, dünyanın çox həssas bir dövründən keçdiyini qeyd edərək, həm ölkə daxilində, həm də sərhəddən kənarda terrorla mübarizənin uğurla aparıldığını və terror təşkilatı PKK-ya əməliyyatlar nəticəsində ciddi zərbələr endirildiyini vurğulayıb.
Suriyadakı yeni prosesi böyük məmnuniyyətlə qarşıladıqlarını və hadisələri yaxından izlədiklərini ifadə edən Yaşar Gülər Türkiyənin indiyə qədər Suriya xalqının yanında olduğunu bildirib.
“Milli maraqlarımız çərçivəsində keçid dövrünün problemsiz olması üçün səylərimizi davam etdirəcəyik. Suriya xalqının gələcəyini ən dinc mühitdə qura bilməsi üçün yeni administrasiya ilə sıx əməkdaşlıq edəcəyik”,-deyə Yaşar Gülər qeyd edib.
Yaşar Gülər sərhədlərin təhlükəsizliyini təmin edənədək terrorla mübarizənin davam etdiriləcəyini də vurğulayıb.
Bütün xəbərlər Facebook səhifəmizdə
.jpg "Ramiz Mehdiyevə arxalanan Məmurlar Kimlərdir? - İÇİMİZDƏKİ QURDLAR!")
USD
EUR
GBP
RUB