Dünya mətbuatı Türkiyənin rekord səviyyəyə çatan müdafiə sənayesi ixracını yaxından izləyir.
SİA-nın türk saytlarından əldə etdiyi məlumata görə, uğur Çin mətbuatında yenidən gündəmə çıxıb.
Çin ordusuna bağlı Milli Müdafiə qəzeti “Türkiyənin müdafiə ixracı rekord həddə çatdı” başlığı ilə çıxış edib.
Qəzetdəki xəbərdə müdafiə sənayesi ixracının keçən il 25 faiz artaraq 5 milyard 500 milyon dollara çatdığı vurğulanıb.
Türkiyənin bu göstəricilərlə qlobal silah bazarında 12-ci yerə yüksəldiyi bildirilib.
Xəbərdə ixrac edilən məhsulların geniş çeşidinə diqqət çəkilib:
"Türkiyə quru nəqliyyat vasitələrindən tutmuş pilotsuz uçuş aparatlarına (PUA) qədər ən müasir məhsullar ixrac edir".
Türkiyənin müdafiə sənayesi məhsullarının NATO standartlarına uyğun olduğu və alyans üzvlərindən Yaxın Şərq ölkələrinə ixrac edildiyi xatırladılıb.
Xəbərdə Türkiyənin müdafiə sənayesi ixracatının sürətli böyüməsinin səbəbləri də yer alıb.
Türkiyənin güclü texniki məlumat təcrübəsi ilə yanaşı, hökumətin müdafiə sənayesinin inkişafı və ixracını fəal şəkildə dəstəklədiyi ifadə edilib.
Bütün xəbərlər Facebook səhifəmizdə
USD
EUR
GBP
RUB