“Sumqayıt” Şamaxıda əzmkar qələbə qazanıb

Futbol üzrə Misli Premyer Liqasında XIII turun daha bir oyunu keçirilib. SİA xəbər verir ki, “Şamaxı” öz meydanında “Sumqayıt”ı qəbul edib. Görüş qonaqların əzmkar qələbəsi ilə başa çatıb.

Matçda hesabı meydan sahibləri açıblar. Kərim Rossi 70-ci dəqiqədə fərqlənib. 88-ci dəqiqədə Aleksa Yankoviç tarazlığı bərpa edib. Son nöqtəni isə 90+1-ci dəqiqədə Aleksandr Ramalinqom qoyub.

Bu nəticədən sonra xallarını 23-ə çatdıran “Sumqayıt” 5-ci pillədə qərarlaşıb. “Şamaxı” isə 14 xalla 9-cudur.

Tura saat 16:30-da başlayacaq “Qəbələ” – “Araz-Naxçıvan” matçı ilə yekun vurulacaq.

Qeyd edək ki, XIII turun əvvəlki matçlarında "Zirə" "Kəpəz"ə, "Qarabağ" "Karvan-Yevlax"a 2:0, "Sabah" "İmişli"yə 3:0 hesabı ilə qalib gəlib, "Turan Tovuz" isə "Neftçi" ilə qolsuz heç-heçə edib.

Bütün xəbərlər Facebook səhifəmizdə