Göz ətrafındakı çox həssas dəri hər yaşda diqqətli qulluq tələb edir, xüsusilə bizi yorğun və ya kədərli göstərə bilən qırışlara meyllidir. SİA xarici mətbuata əsasən bildirir ki, həmişə yatmazdan əvvəl dərinizi təmizləməyi unutmayın.
Makiyajınızı gecə boyunca saxlamaq dərinin qocalmasını sürətləndirə və dərini quruda bilər. Dərinizə qulluq etmək və göz makiyajını çıxarmaq üçün yumşaq kosmetik vasitələrdən istifadə edin. Tərkibində göz altı dərisi üçün xeyirli olan, onun bərpasını dəstəkləyən nəmləndirici və qidalandırıcı maddələr olmalıdır.
Makiyajı çox yumşaq, yavaş-yavaş və hərtərəfli çıxarın, məsələn, nəmlənmiş pambıqdan istifadə edin. Axşam dərinizi təmizlədikdən sonra və səhər makiyaj etməzdən əvvəl uyğun göz kremi çəkin.
Sıxılaşdırıcı və bərpaedici təsirə malik və intensiv nəmləndirici, tərkibində hyaluronik asit olan göz kremi incə xəttlərdə çox təsirlidir.
Həyat tərzimiz istər-istəməz dərinin qocalma prosesinə təsir edir. Həmişə kifayət qədər yatın və üz üstə yatmayın, çünki bu zaman üzünüz yastığa sürtülür və dərinizin qırışlarına yüksək təzyiq göstərir. "Yuxu qırışları" deyilən şeydən qaçmağın ən yaxşı yolu arxa üstə yatmaqdır.
Pəhriz də göz altındakı qırışların əmələ gəlməsi prosesini ləngidə bilər. Balanslaşdırılmış pəhriz aşağıdakılarla zəngin olmalıdır:
Vitamin A (gənclik vitamini adlanır) - dərinin bərpasını təşviq edir,
Vitamin B5 - dərinin elastikliyini artırır və dərini hamar edir,
Vitamin C - askorbin turşusu dərinin elastikliyindən məsul olan kollagenin istehsalı üçün lazımdır,
Vitamin E - sərbəst radikallarla mübarizə aparır.
Günay İsmayıllı
Bütün xəbərlər Facebook səhifəmizdə
USD
EUR
GBP
RUB