Stress, hamiləlik və ya digər hormonal dəyişikliklər saçların daha sürətli tökülməsinə səbəb ola bilər. Saç tökülməsi çoxumuzu zaman zaman narahat edən bir təcrübədir. SİA xarici mətbuata istinadən xəbər verir ki, saç tökülməsinin bir çox səbəbi var. Saç tökülməsinin səbəbi bəzən hormonlar, bəzən stress, bəzən yanlış istifadə edilən məhsullar ola bilər.
Hormonlara gəldikdə, dihidrotestosteron, başqa sözlə, DHT tez-tez saç tökülməsində səbəbləndirilir. Bəs, dihidrotestosteron nədir? DHT, insan bədənində olan bir ferment və testosteronun birləşməsi nəticəsində əmələ gələn kişi hormonu olaraq təyin edilə bilər. Saç köklərinə yapışır və onların qida maddələrini almasına mane olur. Nəticədə saçlar daha tez tökülür.
Saç uzatma məhsullarından istifadə etməklə yanaşı, saçlarınızın daha uzun müddət qalması üçün saç köklərini digər məhsullarla da dəstəkləyə bilərsiniz. Məzmunumuzda saç tökülməsinin qarşısını almaq və ya minimuma endirmək üçün gündəlik həyatda tətbiq edə biləcəyiniz 4 mühüm tövsiyəni daxil etdik.
Saç tökülməsinin qarşısını almağın 4 yolu
1. Balanslaşdırılmış pəhriz
Kifayət qədər su içdiyinizə və balanslı bir pəhriz saxladığınızdan əmin olun. Bu, saç tökülməsinin qarşısını ala bilər, çünki sağlam bir bədən də saç böyüməsini qidalandırır.
Kifayət qədər vitamin, mineral və protein aldığınızdan əmin olun. Bədəninizi sağlam saxlamaq üçün gün ərzində kifayət qədər maye qəbul etmək də vacibdir. Gündə 2 litr su içmək tövsiyə olunur.
2. Düzgün saç düzümü
Saçlarınızın çox tez tökülməməsi üçün onlara diqqətli qulluq edilməli və daim saç köklərini yoran, havasız buraxan topuz, at quyruğu kimi dar modellərdən qaçınılmalıdır. Bunlar da saçları gərginləşdirə və qıra bilər.
Həmçinin, saçlarınızın həddindən artıq töküldüyünü hiss edirsinizsə, saçlarınız bərpa olunana qədər fen, düzləşdirici və ya buruqdan istifadə etməyin.
3. Zərif istifadə
Müntəzəm olaraq tətbiq edəcəyiniz baş masajları saç kökünüzün sağlamlığına çox müsbət təsir edəcək. Saçınızı çox isti su ilə yumaqdan çəkinin, saçlarınıza yumşaq davranın və məhsulları saç quruluşuna yumşaq bir şəkildə tətbiq edin.
Mütəxəssislərin fikrincə, baş dərisi masajı saç tökülməsinə də cavabdeh ola biləcək yağ bezlərini stimullaşdırır və stressi azaldır.
4. İdman etmək saçın sağlamlığını artırır
Bəli, bir az qəribə səslənir "İdmanın saç sağlamlığı ilə nə əlaqəsi var?" desəniz; Fiziki fəaliyyət bütün bədənimizdə qan axını artırır - bu da öz növbəsində baş dərimizə təsir göstərir. Baş dərisindəki qan daha çox dövr edir, bu da daha çox oksigen və qidanın saç köklərinə çatmasına imkan verir.
Nəticədə idman saçların uzanmasına kömək edir. İdmanın saç sağlamlığına dolayı yolla müsbət təsirlərindən biri də budur. Mütəxəssislərin fikrincə, bədəndə endorfinlər də ifraz olunur. “Bu endorfinlər təbii ağrı kəsiciləri kimi fəaliyyət göstərir və bizə sevinc və ya eyforiya hissi verir. Bu, saç tökülməsinin qarşısını aldığı üçün daha yaxşı saç böyüməsinə kömək edən serotonin səviyyələrinin artmasına səbəb ola bilər.
Süsən Heydərova
Bütün xəbərlər Facebook səhifəmizdə
USD
EUR
GBP
RUB