Narkotik vasitələrdən istifadə yalnız asılılıq yaradan problem deyil, eyni zamanda ana və körpənin sağlamlığı üçün ciddi təhlükə hesab olunur. Mütəxəssislər bildirirlər ki, hamiləlik dövründə narkotik istifadəsi həm dölün inkişafına, həm də doğuşun gedişinə mənfi təsir göstərə bilər. Bəs narkotik istifadəçisi olan qadının sağlam uşaq dünyaya gətirməsi mümkündürmü və bu zaman hansı risklər mövcuddur?
Bu barədə SİA-ya cərrah, mama ginekoloq Ləman Əliyeva danışıb.
Onun sözlərinə görə, narkotik istifadəçisi olan qadının sağlam uşaq dünyaya gətirməsi mümkündür. Lakin bu, istifadə edilən narkotik maddənin növündən, dozasından, istifadə müddətindən, hamiləliyin hansı dövründə qəbul edilməsindən və ananın ümumi sağlamlıq vəziyyətindən asılı olaraq yüksək risk daşıyır:
Əsas risk faktorları bunlardır:
- düşük və ölü doğuş riskinin artması;
- hamiləliyin 37-ci həftəsindən əvvəl baş verən vaxtından əvvəl doğuş;
- dölün inkişafdan qalması və aşağı doğum çəkisi;
- xüsusilə kokain kimi stimullaşdırıcı maddələrin istifadəsi zamanı plasentanın vaxtından əvvəl ayrılması;
- bəzi narkotik vasitələrin təsiri nəticəsində anadangəlmə qüsurların yaranma riskinin artması. Bununla belə, bütün narkotik maddələr eyni dərəcədə teratogen təsir göstərmir;
- dölün beyin inkişafının pozulması, sonrakı dövrdə isə diqqət, öyrənmə və davranış problemlərinin yaranma ehtimalının artması.
O vurğulayır ki, hamiləlik planlaşdıran və ya hamilə olan qadınlar narkotik vasitələrdən tamamilə uzaq durmalı, asılılıq problemi olanlar isə mütləq həkim nəzarəti altında müalicə və dəstək proqramlarına cəlb olunmalıdır. Bu, həm ananın, həm də körpənin sağlamlığının qorunması baxımından mühüm əhəmiyyət daşıyır.
Ayşən Vəli
Bütün xəbərlər Facebook səhifəmizdə
.jpg "Xəlil Qarəhmədovun 70 illik fəaliyyəti")
.jpg "Çernobıl əlili ağır vəziyyətdədir - ARAŞDIRMA")
.jpg "Prezidenti məhkəməyə verdilər")
USD
EUR
GBP
RUB
