Mərkəzi Gömrük Hospitalının ən iri klinik şöbələrindən bir olan Kardiologiya şöbəsində ən mürəkkəb ürək-damar xəstəliklərinin müasir invaziv metodlarla müalicəsi texnikalarına yiyələnmək imkanına malik həkim-rezidentlərimiz ölkəmizə gərəkli təcrübə qazanır, bilik və bacarıqlarını ildən ilə təkmilləşdirirlər. Ağır koronar damar xəstəliyi, ürək çatışmazlığı, aortanın və aortal qapaq xəstəliklərindən, müxtəlif kompleks ürək patologiyalarından əziyyət çəkən xəstələrin sağlamlıqlarına qovuşması üçün gecə-gündüz mübarizə aparır. Kardiologiya şöbəsinin rezidentləri Hospitalımızda ürək-damar cərrahiyyəsi, reanimasiya, nefrologiya və digər şöbələrin mütəxəssisləri ilə birgə multidissiplinar komandanın tərkib hissəsi kimi çalışır.
Mərkəzi Gömrük Hospitalının rəisi - Baş həkim, t.e.d. Bəxtiyar Musayev, rəis müavini t.ü.f.d. Nabil Seyidov, İnvaziv Kardiologiya şöbəsinin rəsi Dr. İlqar Tahiroğlu, Dr. Samir Mustafayev, Dr. Emin Hacıbalayev, Dr. Emin Allahverdiyev, Dr. Günay Hətəmova, Dr. Sevinc Məmmədova, Dr. Şəhla Ağayeva, Dr.Ləman Eyvazlı və Dr. Nigar Rəhmətovanın rəhbərliyi, mentorluğu və hərtərəfli dəstəyi ilə rezidentlərimiz öz təcrübələrini zənginləşdirir və gələcəyin yüksəkixtisaslı həkimləri kimi formalaşırlar.
Fədakar kardioloqlarımıza və ürək-damar cərrahlarımıza gənc həkimlərə göstərdikləri dəyərli mentorluğa görə ürəkdən təşəkkür edirik. İkinci illərini uğurla tamamlayan gənc həkimlərimizi təbrik edir və qarşıdakı illərdə daha böyük uğurlar arzulayırıq!
2025-ci ildə Mərkəzi Gömrük Hospitalının kardiologiya üzrə rezidentura proqramına qəbul olunmuş həkim-rezidentləri bu münasibətlə təbrik edir və Gömrük ailəsinə xoşgəlmişsiniz deyirik!
Bütün xəbərlər Facebook səhifəmizdə
USD
EUR
GBP
RUB