...Gündə bir neçə qurtum tərəvəz şirəsinin müntəzəm istehlakı yaşlı insanlara qan təzyiqini aşağı salmağa kömək edə bilər. Çuğundur suyunun sağlamlığa təsirini tədqiq edən Exeter Universitetinin (Böyük Britaniya) tədqiqatçıları belə nəticəyə gəliblər.
SİA-nın məlumatına görə, çuğundurun tərkibində çoxlu miqdarda nitrat var, orqanizmdə mühüm proseslərdə iştirak edən təbii birləşmə.
Nitratlar qan təzyiqini aşağı salmağa və damar funksiyasını yaxşılaşdırmağa kömək edir.
Bundan əlavə, tədqiqat göstərdi ki, çuğundur şirəsi hətta ağız boşluğunun mikroflorasına təsir göstərir ki, bu da ürək-damar sisteminə müsbət təsir göstərə bilər.
Professor Andi Cones, “...yüksək nitrat tərkibli məhsullar, yaşlı insanlarda iltihabı azalda və qan təzyiqini aşağı sala biləcək şəkildə ağız mikrobiomunu dəyişdirir”- deyir.
Yada salaq ki, hər on nəfərdən biri 20-40 yaş arasında, hər on nəfərdən beşi isə 50-60 yaş arasında yüksək təzyiqdən əziyyət çəkir.
Yüksək qan təzyiqi insult, infarkt və digər təhlükəli xəstəliklərə səbəb ola biləcəyi üçün təzyiqi nəzarətdə saxlamaq lazımdır.
Nazlı Almuradova
Bütün xəbərlər Facebook səhifəmizdə
USD
EUR
GBP
RUB