...Belqorod Dövlət Universitetinin alimləri dünyada ilk dəfə olaraq sonsuzluğa səbəb olan endometrial hiperplaziyanın inkişaf riskini artıran genetik birləşməni kəşf ediblər.
SİA rus saytlarına istinadən xəbər verir ki, bu barədə universitetin mətbuat xidməti məlumat yayıb. Endometriumun hiperplaziyası uşaqlıq yolunun həddindən artıq böyüməsi ilə xarakterizə olunur və xərçəngə eləcə də ağır qanaxmaya səbəb ola bilər.
Mütəxəssislərin fikrincə, hiperplastik proseslər bütün ginekoloji patologiyaların 10-50 faizini təşkil edir.
Müasir diaqnostik üsullar tez-tez xəstəliyi gec mərhələlərdə, dərman müalicəsinin təsirsiz olduğu və cərrahi müdaxilənin sonsuzluğa səbəb ola biləcəyi zaman aşkar edir.
Belqorod Dövlət Universitetinin alimləri öz araşdırmalarında belə qənaətə gəliblər ki, FSHB geninin rs11031002-TT, SLC22A10 geninin rs112295236-CG, FSHB geninin rs11031005-TT və rs178N9 geninin rs17-8F geninin birləşməsi endometrial hiperplaziyanın inkişaf riskini əhəmiyyətli dərəcədə artırır.
Texnika unikal genetik profil yaratmağa imkan verir ki, bu da həkimlərə klinik əlamətlər görünməzdən əvvəl xəstəliyə meylliliyi müəyyən etməyə imkan yaradır.
Tədqiqatda 1493 qadın iştirak edib, onlardan 520-də endometrial hiperplaziya, 973-ü isə nəzarət qrupunda idi. BelDU-nun professoru Mixail Çurnosovun sözlərinə görə, əldə edilən məlumatlar endometrial hiperplaziyanın erkən skrininqi və qarşısının alınması üçün effektiv vasitə yaratmağa kömək edəcək ki, bu da cərrahi müdaxilələrin tezliyini azaldacaq və sonsuzluq kimi ağırlaşmaların inkişafının qarşısını alacaq.
Nazlı Almuradova
Bütün xəbərlər Facebook səhifəmizdə
.jpg "Rusiyaya böyük şok")
USD
EUR
GBP
RUB